سرايا - بعد النجاح الكبير الذي حققته شخصية "رنا" في مسلسل "تحت سابع أرض"، والذي عرض في رمضان 2025، قررت رهام القصار تطلع وتحكي، وقالت:"بحب أطلع لما يكون عندي شي أحكيه، وحسّيت انه الوقت مناسب إني أتكلم عن الشخصية والمسلسل."

رهام القصار



وأضافت:"أنا كتير مبسوطة بالشخصية والعمل ككل، لأنه الدور كان كتير صعب على الورق، وكان في تحدي كبير إني أعمل تحولات الشخصية وتنقلاتها، بس الأصداء كانت رائعة."

رنا في تحت سابع أرض.. شخصية بثلاث مراحل
عن شخصية (رنا) قالت رهام إنها كانت مصرة على تقديم نقلات حادة بين كل مرحلة والثانية. بالبداية، كانت موظفة عادية جدًا، حتى شكلها كان بسيط وما بيلفت، وكأنها بنت من الشارع. أنا والمخرج سامر حكينا نروح فيها لهذا الشكل العادي."

رهام القصار
لكن بعد ما صار معها مصاري، كل شي تغيّر، من الشكل للحركة وحتى طريقة الكلام: "كنت حابة أعمل النقلة القاسية، لأنه المصاري بتغيّر الواحد.لما توفى زوجها، مرّت رنا بمرحلة ثالثة حاولت فيها تتماسك، بس جواتها كانت عم تنهار.

رهام القصار
رهام القصار: مشهد الكف مع تيم حسن عملناه من أول مرة
وعن كواليس المشهد بين "رنا" و"راما"، قالت:"المشهد صعب وبيضحك بنفس الوقت، عملناه من أول مرة، تكنيك طبعًا، بس الناس إذا عرفت إنه مو كف حقيقي بجوز تزعل!" وأضافت:
"ما في أي عداوة بيني وبين أستاذ تيم حسن، بس العداوة الحقيقية كانت بين رنا وراما."

رهام القصار
وعن مشهد فرح موسى وبلقيس، عبّرت رهام عن حبها للمشهد: قائلة: "هذا كان أحلى مشهد بالنسبة إلي! طرت من السعادة بالفستان والشعر والمكياج. كان عكس تمامًا الكنز البرتقالية يلي كنت لابستها طول الوقت... حسّيت إني حققت غايتي. بالنهاية، رنا كانت عم تركض ورا المصاري."