بقلم : حسام زياد الخلايلة
سؤال يخطر على بال كل أردني: هل الأردن بخير؟ في ظل كل الظروف اللي احنا بيها، من ضغوط اقتصادية، وتحديات سياسية، وتغيرات كبيرة حوالينا بالعالم، طبيعي نسأل ونتساءل.


الأردن، رغم صغر حجمه الجغرافي، إلا إنه كبير بمواقفه وثابت بمبادئه،واجهنا حروب، أزمات، لجوء، ضغوط خارجية وداخلية، ومع هيك، ظل الوطن واقف وشامخ ، وهذا بفضل القيادة الحكيمة، والشعب الواعي، والجيش والأجهزة الأمنية اللي دايمًا بحمونا.

صحيح، الوضع مش سهل. في بطالة، في غلاء، في ناس تعبانة وبتحاول توصل صوتها، بس بنفس الوقت، في ناس عم تشتغل، في شباب مبدعين، في مبادرات حلوة، في ناس ما فقدت الأمل، وهاي هي الروح اللي لازم نتمسك فيها.

الأردن بخير لأنه لسه في ناس بتحب البلد، وبتسعى تغير، وبتحلم بمستقبل أفضل، الأردن بخير لأنه رغم كل شيء، ما خسرنا إنسانيتنا، ولا وحدتنا، ولا إيماننا ببعض.

الطريق مش سهل، والتحديات كثيرة، بس طول ما إحنا مع بعض، وعم نشتغل بإخلاص، رح نظل بخير.
حسام زياد الخلايلة