سرايا - وصلت سرايا رسالة من احد قرائها تريد حلا،وتاليا نص الرسالة:

انا صبيه عمري 19سنه وحلوه كتير والحمدلله وبابا متزوج تنتين فوق ماما وهو عندو مال وبقدر يفتح 3بيوت وانا من الزوجه الاولى ومن الزوجه الثالثه عندها شب بدرس هندسه وعمرو 22 يعني الشب من اب غير بابا يعني مو اخوي وهو حلو كتير ومؤدب.

وبابا باني 3بيوت على شكل عماره ومسكنا فيها وهو عايش مع امو بنفس العماره وبالصدفه هو بنفس جامعتي احيانا بتصدف بطلع انا وهو بس والله اني ما بحكي معو طول الطريق غير السلام عليكم وكيفك بس وهو محترم وقبل فتره اجى عند بابا بقلو انا بدي بنتك بدي اخطبها ازا مافي مانع عندك وعند الصبيه وبابا قلي انو مؤدب بس اناا مو قادره اتخيل انو حماتي مرت ابوي صعبه كتير وامي بتقول عادي ما فيها اشي وانا لهلأ مو عارفه اوافق هو قرب يكمل جامعتو ومعو مصاري ورثه من ابوه فشو رايكم اوافق قولتكم؟؟؟ :)