سرايا - سرايا - وصلت لوكالة "سرايا" رسالة من إحدى القارءات وهي إمرأة متزاوجة تشكو علاقتها مع زوجها التي وصلت إلى وضع لا يحتمل، وتطلب من القراء والمتابعين مساعدتها لإيجاد مخرجٍ من مشكلتها التي باتت معلماً من معاتلم حياتها اليومية، وتالياً نص الرسالة:

 انا متزوجة عندي اطفال وحامل .. زوجي متعلم وانا كمان وبشتغل  ما عند زوجي من صفات صدمتني اثنا الخطبة ولكن حكيت بتغير زوجي .. لا يحبني ان اخرج الا معه، واذا خرجت مع احد اخواتي بالسنة مرة بعد مليون بوسة راس بضل كل دقيقة يرن .. ويسال وينك وطولت ويلا روحي !! لحد ما يقرفني الطلعة صاحبات ممنوع اخوات فقط بالمناسبات وحسب مزاجه اعراس كمان لا ودايما بحكي المرة ما لها الا بيتها ولو بايدي تركتك الشغل .. ما بساعدني بشي بالبيت حتى لو مرضو الاولاد او انا حتى بس اكون حامل بعيش كانه سي السيد .. وفوق هاد ما بصرف ع البيت الا بعد ما يسم بدنا وبخاف اطلبه شي غير الاساسيات .. بس للناس والاصدقاء مستعد يداين عشانهم ويعزمهم اما لاولاده بنتخانق اذا طلبته اواعي للاولاد بحجة انه اشترى السنة الماضية ناسي انه الاولاد بكبرو بالنسبة لوضعه منيح بس ببخل علينا للحق الاساسيات متوفرة بس بعد ما يحملني جميلة حاولت اغير فيه ولا تحكولي باللسان الحلو، لانه بس اعمل هيك بحكي شو وراك بالعناد بالمخانقة بالتذلل بالزعل عند اهلي ع الفاضي ما في تغير بحاول اعزمه ع مطعم او اشتريله هدايا بس بتغير لحظي انا ما بساعده ماديا لاني بجيب شغالة مني وبصرف ع حالي مني هو فلس احمر ما بعطيني ومع انه مقتدر يجيب شغالة بس خلاني انا اجيبها وعدا عن شكه في مع اني والله ملتزمة دينيا واخلاقيا بس بحسه براقب تلفوناتي وبس يغيب عن البيت اول سؤال وين انت مين اجا وشو حكيتو انا تعبت منه الظاهر للناس انه منيح لانه بشوش مع الناس اجتماعي جدا خدوم كريم معهم، وع فكرة اغراض البيت ما بسمحلي اجيبها هو بشتريها وللتنويه بتجيه لحظات حنان بطلعنا معه لانه ما عنده مشكلة نطلع معه وان كان مش دايما بس بظل الاساس الي حكيتو لكم وهلا عر ف انه رحت اهلي وما حكيته لانه رح يرفض وصار بده يطلق مع انه بغيب اسبوعين عنا بحكم دوامه بده الايام الي ما يكون فيها ننحبس بالبيت شو الحل..... ؟ ساعدوني