سرايا - سرايا - وصلت لوكالة "سرايا" رسالة من إحدى القارءات وهي أم تشتكي من انعاكاسات موقع التواصل الاجتماعي الفيسبوك على بناتها، وتالياً نص الرسالـــة:

أنا أم أرملة لثلاثة بنات أكبرهن 15 سنة ، المشكلة بان بناتي 24 ساعة عالفيس بوك والله بخاف اطلب طلب منهن حتى لو كاسة مي ما بطلبها ، لانهن بزعلن وبعصبن وبصيرن يعيطن والله ما بحب اكسر في خاطرهن. وكل اللي نفسهم فيه بجيبه وما بحرمهن من ايشي ، بشتغل منشان بناتي حتى ما يمدن ايدهن لغيري لا سمح الله. ابنتي الصغيرة أم التسع سنوات بتحكيلي ما في أزكى من الفستق (قصدها عن الفيس بوك) هيك بنتي مسميته ، في حدا بترك الفستق وبروح بنام لا حول ولا قوة الا بالله. هاي مش عيشة ، بطلن ينامن وبقومن الصبح متكاسلات وبفركن بعنيهن وكأنه ما في مدرسة وراهن ، تعبت معهن. والله ندمت لما اشتريت الكمبيوتر وندمت اني عملت اشتراك لبناتي كنت خايف عليهن كنت مفكرة انه بفيدهم في دراستهم وطلع العكس. دلوني على الخير لو سمحتوا؟