سرايا - وصلت لوكالة "سرايا" رسالة من احدى القارءات تعرض مشكلتها مع سوء الحظ الذي يرافقها في حياتها، وتالياً نص الرسالة:

أنا فتاة تعيسة جدا جدا ، بدي حدا يشرحلي اللي بصير معي بالزبط. والله العظيم مشكلتي حقيقية وربنا يشهد عليها . أنا عزباء وحلوة وناعمة وموظفة ومش متزوجة ومش صغيرة كمان ، مشكلتي كل ما واحد يتقرب مني ويبدي إعجابه فيني ويبلش يحبني وأبادله انا بحبي ، وبنحكي مع بعض بالتليفونات ووو فجأة يا إما بختفي من حياتي بعيدا عن الأنظار او بموت او بهاجر او بستقيل من شغله . اقسم بالله هذا اللي بصير معي. يعني ما الي حظ لا مع العزابية ولا مع المتزوجين ولا مع الأرامل ولا حتى مع المطلقين . ليش؟ هل انا مسحورة . الكل بحكيلي انت مسحورة ولازم تفكي سحرك ، والله ما بعرف شو بدي اعمل ؟ ادعولي الله يوفقكم !