بقلم : د. فاضل الزعبي
بعد جوع مهلك.. ظفر ألذئب بحمل وديع كوليمة له .. ارتعب ألحمل وصار يترجى ألذئب ان يبقى على حياته.. وألذئب جائع متشوق الى وجبة دسمة ..
فطن ألحمل الى حيلة وطلب من ألذئب ان يمهله ساعة او ساعتين حتى يهضم ما أكل و حشّ من حشيش أخضر طعمه مر وسيكون طعم لحمه مر على ألذئب..
ألذئب لا يريد افساد وليمته باللحم المر للخروف فأمهله قليلا من الوقت.. ولكن على مضض..
ألحمل طلب من ألذئب الترتيث لان عملية الهضم تتطلب وقتا طويلا.. لكن يمكن ان يسرع الهضم اذا رقص الخروف لان في الرقص رياضة.. لكن يشترط ان يطبل ألذئب حتى يرقص الخروف.
اخذ ألذئب الطبلة وبدأ يطبل وانسجم مع الايقاع ونسي الخروف الذي شمع الخيط ولاذ بالفرار ونجى...
شايفين الموسيقى والايقاع والرقص شو بفيد... اذا كان الذكاء ينجي فالرقص انجى وانجى ..
يعني الحكي ما يفيد ... الرقص على ايقاع واحد هو اللي بجيب نتيجة...
زبطوا الايقاع .. احفظوا نفس النغمة حتى تفلتوا من المختار النهم لا بعدين يبلعكو واحد ورا واحد..
بس بدنا طبال محترف اللي يحافظ على الايقاع وما ينشز .. ويعرف شو الايقاع المحبوب اللي بيرقص وللكل .. حتى الرقصة تطلع رقصة واحدة وتنفع وتنجي ..
ومش مشكلة اذا في اكثر من طبال... ممكن يتدربوا و يتمرنوا على ايقاع واحد يرضي الكل .. ويحبه الكل .. ويعملوا فرقة ..
حتى لو واحد مسك دف او طارات و الثاني طبله و الثالث مهباش و غيره رق او درمز او صاجات بصير صوت ألأيقاع اعلى ويمكن ممتع اكثر وبيرقص الرقصة اللي هيه.. واللي خبرك فيها ...
عاد المصيبة اذا حدا فيهم اصلا مش طبال وقاعد يتمرن براسنا.. هون بتخرب الرقصة كلها.. وبصير رقصنا مثل نط المجانين وبنلاخم ببعضنا وفرصه للمختار يوكل اللي بدو اياه وبيصير ينقي بينهم....
وكمان اذا حدا تعب من الرقص وبدا يتدروخ ويناطح مناطحة.. كمان اسنان المختار جاهزة وما رح يفوت هيك وجبة...
رقص جماعي جميل ... على ايقاع فرقة قارعي الطبول و الدفوف الجميلة ... بايقاع فني راقص جميل ... يجعل اللوحة جميلة معبرة ... بلكي المختار يخش في اللوحة و يلعب دور طبال او رقاص .... وتصير الحياة حلوة وجميلة ... وماما حلوة ... حلوة .... حلوة يا بلدي...