سرايا - سرايا - هاجمت الفنانة الاستعراضية، سما المصري، على المستشار مرتضى منصور، المرشح المحتمل لرئاسة الجمهورية، في فيديو لها على قناة «فلول» بعنوان «حق الرد».

 أعمل كشغالة عند واحدة اسمها أم أحمد

وقالت «سما»: «أنت بتقول إني أنا ست نحس، وكنت شغالة في مصنع وقفل، واشتغلت مع عكاشة، وقناة الفراعين قفلت، أنت قولت إني كنت أعمل كشغالة عند واحدة اسمها أم أحمد، وكنت بعاكس ابنها وهي طردتني وضربتي.. أنا عاوزة اسألك هو مين اللى اشتكى وقالك أنا ولا أم أحمد يا مرتضى؟».

وتابع: «إذا كنت أنا هربت من أهلي زي ما أنت بتقول، فأنت يا مرتضى هربت من الحكومة، واللى مالوش أهل تبقى الحكومة أهله، وأنت فكرني سوابق زيي، إذا كنت أنت عندك سيديهات فأنا عندي موسوعات».

 واحد حرامي سرق فلوس الغلابة

وأشارت إلى أنه أنه لن يستطيع إغلاق القناة إلا بحكم المحكمة، وتهكمت قائلة: «أنا مش شغالة محامية عند واحد حرامي سرق فلوس الغلابة (الريان)، ولا سوابق زيك واتحبست كام سنة عشان أهنت القضاء، ولا بهرب واستخبا عند جوز بنتي عشان بخاف من القانون».

وواصلت: «إذا كنت أنت مرتضى منصور فأنا سما المصري وأنا أرجل منك ومجريتش أيام الإخوان وهربت زيك يا مرتضى»، مطالبة إياه بإبعاد ما سمتهم بـ«ألاطيشة عنها»، لأنه في حالة حدوث مكروه لها ستتهمه في تلك القضية.

وطالبت مرتضى منصور بمناظرة على الهواء مباشرةً، وقالت له «عيب عليك لما تطلع مع وائل الإبراشي وتتهمني كدا من غير ما تخليني حتى اعمل مكالمة، أنا لو كنت عملت مداخلة هاتفية كنت هعرفك قيمتك».