سرايا - سرايا - "محمد ألف القرآن".. "بتكلمي عن جهل".. "إنتِ اللي جاهلة".. "إطلعي برة".. جمل من حوار دار بين "ملحدة" و المذيعة المصرية ريهام سعيد، مقدمة برنامج "صبايا الخير" على قناة "النهار"، في الساعات الأولى من صباح الأربعاء.

طرد "الملحدة" بعد حوار دام 35 دقيقة

"ريهام" استضافت سيدة وصفتها بـ"الملحدة"، وبعد حوار تجاوز 35 دقيقة، ادعت السيدة أن النبي محمد "ألف القرآن"، فكان رد المذيعة عليها: "بتتكلمي عن جهل"، الأمر الذي صاحبه تراشق لفظي تسبب في طرد "الملحدة" من الاستديو.

وردت "الملحدة" على "ريهام": "إنتي اللي جاهلة"، فكان رد المذيعة: "أنا اللي جاهلة يا ست شكرًا، أنا جاهلة زى مصر والوطن العربي"، معبرة عن "فخرها بالرسول محمد"- حسب تعبيرها.

مشادة كلامية بين المذيعة والملحدة

وعلقت "الملحدة": "هبتدي تغلطي هقوم ماشية وسيباكي"، فما كان من "ريهام" إلا نطق كلمتي "إطلعي برة"، فغادرت "الملحدة" الاستديو، قائلة لـ"ريهام": "وطي صوتك مايصحش تتكلمي كده مع الدكتورة نهى.. إتأدبي مع الدكتورة نهى"، فعلقت "ريهام": "أسطورة برضه؟".

وكان رد "الملحدة": "أنا آسفة إني جيت كلمت واحدة زيك"، فنطقت "ريهام" : "أنا اللي ضيعت وقتي مع واحدة مجنونة".

وعقبت ذلك قالت ريهام سعيد، مقدمة برنامج "صبايا الخير" على قناة "النهار"، إنها ستتعرض لهجوم بعدما استضافت "ملحدة" وقامت بطردها، مضيفة: "أنا بقول للناس دي اخبطوا راسكم في الحيط".

المذيعة تبرر طردها للملحدة 

وأضافت "سعيد" في إحدى فقرات البرنامج بعد "طردها للملحدة": "مكنتش بقولها يا مجنونة وبشتمها لا، أنا بقولها يا مجنونة لأنها مريضة، والمصيبة فيه كتير زيها وناس كتيرة قدرت تقنعهم بكلامها ده".

وعن طردها لـ"الملحدة"، بررت "سعيد" ذلك بقولها: "لم تحترمني، ولم تحترم فكر الآخرين، ولم أفعل هذا مع الشخص اللي استضفته من قبل".

وقالت: "ناس هتشوف اللقاء وهتقول هيا محموقة أوي ليه كده، دي عايزة اللي يسرق تتقطع إيديه، وهيا مش محجبة، أنا بقولهم شوفوا أكبر حيطة اخبطوا راسكم فيها".

وتابعت: "آه فيه ستات مش محجبات مش عارفة ربنا، فيه ناس مش ماشية على شرع الله وعلى كل تفصيلة، مش علشان هيا مش مؤمنة بيها ولكن علشان هيا مش قادرة تعمل كده، وأضعف من أنها تعمله".

وأضافت ريهام سعيد: "كل اللي أملكه أقوله إن ربنا يحسن ختامها وختامنا وربنا على ما قد ما الشيطان ماسك دماغنا ميمسكهاش أكتر وأكتر".