سرايا -

سرايا- يسعد  مساكم موقع سرايا انا سيدة متزوجه من 6 سنوات وعمري 33 مشكلتي تبدأ من عدة اشهر ولكن بالواقع مشاكلي مع زوجي من ايامنا الاولي .زوجي جاف معي بخيل عاطفيا ولا اسمع  منه اي كلام حب اوحتي كلام عادي دايما ساكت تقريبا من بعد الزواج بسنه اكتشفت ان بيكذب علي بيقولي مسافر لطبيعة شغلو وبيكون مسافر مع صحابو. 

بحس انو ما بنجذب الي او انا ما بعرف ليه بالرغم اني بلبسلوا احلى لبس لما يروح من الشغل بس هو ما بيتطلع علي بنظرة اعجاب او حتى غيرة من الناس او من الشباب .

انا فقدة اشياء كثيره لدرجه ان اذ ابتسم لي خلاص احس بفرحه واذ قل لي كلمه حلوه احس بسعاده هو حارمني من علاقتنا الطبيعية واي علاقة طبيعية بين زوجين .

واحيانا تمر شهور وما يقولي حكي حلو ولما اسألوا يتهرب من الجواب مزبوط انا مش ملكة جمال بس اكيد بحب اكون حلوة اقل ما فيها بعينيه . اوقات بحس اني انا الرجل انا الي بقوله  كلام حب وانا الي بتقرب منه وهو عادي .

من كثر جفا وبعدو عني قلت بدي  ما انام غرفتي بلكي حس في واشتقلي وبالفعل صرت انام عند بناتي وهو ولا فكر يسالني ليش بالعكس اخذ راحته وما فرقت معو .

انا بتمنى منكو تساعدوني وتدلوني على طريقة تقربوا فيها واحس اني مرتوا عنجد.. ويضل حوالي من شدة حبو الي وما يشوف قبالوا امرأة ثانية غيري انا بموت علي وبعدو عني خلاني اعمل مقارنة بيني وبين باقي النسوان ...

شو هي الطريقة الي بقدر فيها اكسبوا واخلي يموت علي وما يستغني عني وأضل بنفسوا وبقلبوا وبعقلوا...ساعدوني شو الطريقة..أنا كتير غضباه من هاذا الوضع وبدي حل ...ساعدوني ؟؟