سرايا -  وصلت موقع سرايا رسالة  شابة تريد حلا  وتاليا نص الرسالة :

 انا عمري ٢٠ سنه حبيت شخص ٣ سنين وهو حبني وكنا نحلم سوا انو نبني اسرة مع بعض ولما صار الوقت وتقدم لخطبتي اهلي رفضوه.

انا بعرفش شو السبب وكتير صارت معي مشاكل ومع هاد اصريت اني بدي ياه ولما شفت انو ما في نتيجة ولانو بالنسبة الي رضا اهلي اهم من سعادتي قررت اني انهي كل احلامي وامالي وسعادتي واني اعيش بلا قلب بس بعقل

ارتبط بأخرى

وللاسف واجهت بصعوبة حبيبي وقررت اني اتركو وبعد فتره قصيرة خطب هو وانا متأكدة مع انو مع وحده تانية بس قلبو معي واكيد هو كمان قرر يعيش بعقلو ، هو كتير ظلمني وفكر اني ما بدي ياه وتهمني بإشياء كتيرة وانا ما جاوبتو بشي لانو نصدمت فيي وبنفس الوقت ما قدرت كتير احكي معاه خفت اني اتراجع بقراري ، لمن عرفت انو رتبط كتير فرحتلو بس بعد هيك ما قدرت اتحمل ومن سنه لليوم رافضة فكرة الإرتباط وهو عن قريب رح يتزوج .

من كل قلبي بتمنالو الخير والسعادة ، وبنفس الوقت لسا بحلم بالأيام الي كنا فيها مع بعض وبحلم بالاحلام الي عشناها سوا وحلمنا انو تتحقق. انا مش قادرة اتحمل فكرة اني اكون مع غيرو لاني بعتبرها خيانة وكمان عزة نفسي ما بتسمحلي ارجع احكي معاه لانو هو ما سأل عني .

كتير نفسيتي تعبانة خصوصا انو يوم عن يوم بيقترب موعد عرسو وما بعرف كيف اتصرف وين ما بروح بتمنى اشوفو شو ما بعمل بتزكرو وين مبكون بتزكرو مش قادرة اطعلو من راسي ومش قادرة ادخل حدا لحياتي كتير نفسيتي تعبت وما بعرف شو اعمل