سرايا - سرايا - قال الإعلامي توفيق عكاشة ، الأربعاء، إن اللواء مجدي عبدالغفار، وزير الداخلية ، سحب الحراسة منى، وكان عي حراسة لأني على كل قوائم الاغتيالات الإرهابية، بحسب قوله.


وأضاف في تصريحات لبرنامج «مصر اليوم» على قناة «الفراعين»: «الأولاد بيدوروا على الحراسة ما لقيوهاش، لا هنا ولا اللي عند البيت فأنا بقى أناشد الإرهابيين، وأي حد عايز يقتلني يتفضل، أنا موجود، وهخرج من مدينة الإنتاج، بعد انتهاء البرنامج مباشرة، وهقعد شوية علشان الإرهابيين يجهزوا نفسهم ويوصلوا، علشان خاطر هي دي مصر.. تقولي رأيك أو حقيقة تتأدبي».

وتابع: «وزير داخلية إيه ده.. براحته هو حر يعمل اللي هو عايز يعمله.. تعالى لفقلي قضية، أنا بين إيدين الشعب، وإذا كان الشعب بيحبني زي ما أنا بحبه يطلع يشوف الوضع دا إيه، دا في حالة لفقلي قضية، والله فوق الجميع».

وأكد «عكاشة» أن سبب رفع الحراسة انتقادي لسياسة وزير الداخلية، مشددًا على أنه «مستعد للاعتصام على الهواء ضد وزير الداخلية 3 أو أربع أيام».

وأضاف: «تعالى لفق لي قضية يا عم مجدي أنا قاعدلك على الهواء أهه»، بحسب قوله.