بقلم : محمد المحيسن
الله يرحمك يا جدتي دائماً هالمثل كان على لسانك : الطبخة اذا كثر طباخينها بتخرب

وهذا اللي صار بالنشرات الجويه كل واحد صار يفتي فيها من عنده و للأسف ولا نشرة الها علاقة بالثانية ..هطول، سماكة ، ما في سماكة ، على 1000م لا على 800م اليوم بتنحصر بكرة الذروة وانسى علمها عند ربي و الشغلة مبينة لا تنبوء ولا رصد جكر بجكر مين يوقع الثاني ومين يعلم على الثاني ومين يثبت انه محترف ومين يثبت انه هاوي..
وكله على حساب :
اللي وقف اربع ساعات على طابور الخبز.
اللي جمع المواد التموينية من المحال التجارية..
اللي جاب كاز وغاز لشهر زمان..
واللي اتعطل عمله ورزقه من ادارتكم للأزمات..
وفوق كل اللي صار لازم الظهور على التلفاز وما تخلي عليهم كمان سلوك غلط .. ما رح بموت من الجوع.. الامور تحت السيطرة..
بحكيلك ارجوك لا تلومه و اترك حكي الشاشات هو فقد الثقة من زمان بالبنيه التحتيه و بالتجار اللي ما عليهم امان وفيك كمان يعني صار يشوف الثلجة حصار..
ارجوك اتركه ولا تستنى منه الا انه يعمل ازمات و يلم بضاعة المحلات وما يخلي نوع من الاكل والمكسرات و يستنى الثلج مع عائلته بالشارع و بالبيت و على الشباك
ويمارس فعاليات انتظار الثلج بعفوية وبكل صدق..
بس انت اذا بدك تساعده ارجوك اصدق..