سرايا -

تسلمت وكالة أنباء سرايا رسالة من أحد قراءها طرحت من خلالها مشكلتها، وتالياً نص الرسالة:

سرايا - إنا بنت عمري 22 سنة تعرفت على شب عمرو 23 من على الانترنت أنا بالبداية كنت خايفه لأنو اغلب علاقات الانترنت فاشلة بس هو أقنعني بحالو وحكى نحنا راح نخلي علاقاتنا ناجحة انا صدقتو وحبيتو كتير وهو كمان كان يحبني بجنون قعدنا مع بعض 6 أشهر ما شفت منو إلا كل خير وأي مشكلة كانت تصير بينا كان هو إلي يداري ويحل المشكلة حتى لو كنت إنا الغلطانة وأحيانا كانت تصير مشاكل كبيرة بينا وأنا ما اقدر أتحمل واحكيلو انو كل شي بينا انتهى بس هو كان يترجاني إني ما ابعد عنو ويحكيلي انا ما اقدر أعيش من دونك وما يبعدني عنك إلا الموت لحتى أرضى وارجعلو. بعدين هو تغير علي بطل يحكي معي متل الأول انقلب 180 درجه غاب عني يومين وعرفت من أخوه انو هو مسجون لأنه عامل مشكله وراح ينحكم شهر انا جن جنوني لما عرفت انو راح يبعد عني شهر بعد أسبوع اكتشفت انه كذاب ومش مسجون ولما سألته ليش هيك عملت صار يحكيلي هاد اختبار لحتى اعرف كم أنتي بتحبيني وشو راح تعملي لما انا ابعد عنك. بنفس الأسبوع صار يحكيلي انو بدو يسافر أسبوع عشان يغير جو انا صدقت انو بدو يسافر وحكالي انو موبايلو راح يضل مع أخوه انا اشتريت رقم جديد وضليت ارن عليه وكل ما ارن كنت أشوف الخط مشغول أو ما حد يرد لحتى اجى يوم وهو إلي رد علي واكتشفت انو ما كان مسافر وصار يحكيلي هاد كمان اختبار , ولما سالتو مين يلي كان يحكي من موبايلك صار يحكيلي هاد اخوي مو انا وبنفس اليوم بيحكيلي انو كل شي بينا انتهى وهو ما عاد بدو اياني مع انو كان يموت على الأرض يلي بمشي عليها ولما سالتو ليش بدك تتركني صار يحكيلي انا واحد حقير شو بدك فيني؟ مع العلم انو خلال 6 أشهر والله ما شفت منو إلا كل خير ترجيتو انو ما يبعد عني بس هو ما سمعني وتركني من دون سبب وأخر تلفون كان بينا قعد يسب ويغلط علي والله نفسيتي تعبانه كتير والله هو كان كل دنيتي ليش هيك صار فينا ما بعرف؟ عم بنام واصحي ودموعي على خدي مش قادرة استوعب يلي صار ساعدوني شو اعمل؟ والله اتسكرت أبواب الدنيا بوجهي وصرت أتمنى الموت لأنه ارحم