بقلم : الصحفي زياد البطاينه
زغروته لحكومه نالت ثقه النواب واحنا بعدنا بتسمع عند الباب مين اعطى ومين حجب ومين غاب ومين وعود ملى بيها العباب... قالوا انه في تعديل حكومي ومافي دخان بلا نار وبقولوا انه التغيير راح يخدم ناس وانه نوابنا متاملين بهالتعديل وانهم منحوا لهيك وانه من مصلحنعم ومصلحه جماتهم ...لكن الاهم انه دولته رجع بثقه كبيرة ورجع يقعد عشط الامان ويرمي بسنارته ببحر المستوزرين حتى يخلص من همه الثاني الموازنه والناس وبراس سنارته طعم الله وكيل كل من شافه سال لعابه وصار يتحرك هيك وهيك وطلع ماعنده وصار يعزم وصار كريم ويطلع شهادته ويدفع لتلميعه
واليوم لقوا شماعه اسمها التعديل حتى يخففوا من الاحتقان ويخلوا نوابنا يبيعونا بارخص الاثمان ويقنعونا بالصبر ويصير الواحد يفكر ان الحال سيتغير ويصبر شويه كمان وياريت حفظوا الكرامه وقالوا تغيير تغيير مش تغيير شخوص بل تغيير سياسات برامج مش تعديل وتسميه خانات جديدة وتعيينات ومناكفات مع الحزبي والوسط الاسلامي
وإحنا بدنا تعديل إنساني ......بلد بتموت وشعب فى حالة سكوت وكانها لعبة اتارى من كتر الظلم والظلمة بقول ياريت الماضي يرجع تاني
حكومات رايحة وحكومات جايه …طرابيش وطواقي بتتنقل من راس لراس وبظل كراسي مالقوا لهن حد ... ودولاب الحظ بيدور وعلى راس مين الله وحده يعلم ويمكن يكونوا من اصحاب الحظ السعيد الحظ اللي مرتبط واللي بتعامل واللي بشتغل هون ولا هون واللي امه دعياله ومن حظ حاملي الجنسيات المختلفة او اصحاب المزارع او الكروش المتدليه او الصفقات ومن المتعهدين والدكاترة المعالجين ومن اللي بتفرضهم السفارات ماحد داري عن قرعه بيهم من وين.... وكيف بنزلوا علينا وبنصير نفتش عن سيرهم الذاتيه وتعظيم احترام لابنعرف اسرارهم ولا من وين اجو ولاوين
رايحين
هيصه ومولد نواب سياسيين حزبيين بتسابقوا عالرابع والطعم هو التعديل الوزاري.......... وياخوف قلبي يصير تغيير مش تعديل لانه شو بده يعدل دولته تايعدل .... والثمانية مليار صارن بالثلاثيتيات والاسعار ولعت والفوائد تجمعت والوظايف تضاعفت بالرغم من حرمان الالاف من امتحان الثانوية دبابات ومجنزرات وكاميرات وامن كلها بحجة ضبط الغش واتهموا اولادنا بالغش والخداع واكسبوا توجيهيتنا عدم المصداقية وطلعونا براره لابنقرا ولا بنكتب واحنا خريجين مدارسهم ومعلمينهم زلمهم واكثر وزرائنا الحافظ الله ماجاب ستين وياريت هالحرب شنت عالمحتكر والفاسد والمرتشي والاسعار نار يامختار والله وكيل وصلت الناس القاع
مابعرف ليش الكبار مابفكروا مثل الصغاربهالوقت هل ياترى العقول بتختلف ولا لانهم شبعانين او شبعوا وتدلت كروشهم وانتتفخت جيوبهم ولا لانهم قرفانين.... او لانهم ختيروا وهرهروا وماعاد تقدر ادمغتهم تشتغل او مابعرفوا شو في بالشارع ولاذاقو المر ولاعرفوا الجوع والقهر والبرد والمرض واليتم

ولا تعرفوا عليه

;كل شي صار بالتوريث ابن الحراث حراث ...وابن السفير سفير... وابن الوزير وزير والفقير بظل فقير وكل ماقدرواعليه دعسوه ...... توزيرهم وراثه ووظائفهم وراثه مثل مزارعهم بناياتهم واراضيهم
. وصحيح الكبير بظل كبير اما الصغير لازم يظل صغير ....ولا مين بدهم يحكموا وعلى مين يشوفوا حالهم على مين بدهم يعلقوا اخطائهم ومثالبهم وعوراتهم بكير على مشجب واحنا المشجب وزراء كيف بلتموا وكيف بتعارفوا وكيف بتجانسوا مابنعرف حتى فريق كره القدم اذا مش متجانس ومتفاهم النتيجه عكسية وزارة رايحة ووزاره جايه ولما بتفشل بلاقوا شماعه وبطردوا ثلاثة وبجيبوا اربعه والحال على حاله...... لان التغيير يكون بالسياسات بالبرامج مش بالشخوص ولابالكراسي ياحكومه انت على راسي بس ديرو بالكو
ياناس عمركم جربتم الجوع والعرى والمرض الجوع كافرياناس وبنطق الاخرس و الجيعان بتحول من ارنب لاسد ,الجيعان بركان وقوة وطوفان مش راح تقدروا توقفوا قدامه لو ثار
هم صبرو بقليلهم ورضيوا لكن قليلهم مش راضى بيهم ,,وبيتأمر عليهم وزرا ونواب وتجار ضمائر وتجار مواد غذائيه ونفط وضرايب ورفع دعم وخراب بيوت ومستقبل كله على هالغلابى وعلى لقمة عيالهم و اللي رضيوا بالبين واليبين مارضي فيهم
ياناس احنا بنحب بلدنا ...بنحب حكومتنا بنحب الجيران... واحنا الانصار بلدنا مفتوح بلدنا مشرعات ابوابه لكن ....... لكن مش على حساب لقمه اولادنا ودواء اولادنا مش عحساب بيت يدفينا ماحد ملاقية كانه قانون المالكين تفصل لهالزمن بطردوا السكان وبسكنوا الجيران مش حالات انسانيه بل لانه المصريات زاد نشويه ...... وميات شرب اولادنا ماعادن يكفن وهن من الاول مابكفن .... ولا على حساب جوعنا وقهرنا .........كلها بتقول مدفوع ثمنه ملعون هالثمن اللي ماشفنا منه شي واحنا بعدنا بنسدد فواتير الراشي والمرتشي والمختلس والفاسد
احنا مع حكومتنا وبنحبهم بس لايختبروا صبرنا صبر الاردني ..... ولا يراهنوا على صبرالاردني الاصيل عندنا انتماء عندنا ولاء عندنا تسامح عندنا كرم وطيبه وشجاعه ونزاهه وخلق هاي راس مالنا وما بنسمح لحد يمسهن
من هون بقول لحكومتنا خلص انتبهوا حذارى من ثورة الجياع
حذارى من الجيعان لو طلع فى ثورة ومفيش وراه اللى يخسره..... نواب وزرا سياسيين احزاب شخصيات تجار كلمه..... تجار ضمائر باعو واشتروا بينا ومستعدين يموتوا دفاع عن كراسيهم ...... كم نيرون ونيرون بيهم احرق الدنيا وبقعد على عزايم الفقرا وبضحك وبمد رجليه ومش داري بهم الغلابى باعو واشتروا بينا

لكل وزير او امين لجنة وبدافعوا وبحافظو على كراسيهم وناسيين اهلهم وناسهم حتى ان البعض حرم ابائنا مستقبلهم وشنع بيهم وقال عنهم خداعين وغشاشين وعقولهم فارغه ومش عارف انه صنيعه مصانعهم ومدارسهم والبعض من نواب باعوا واشتروا فينا وخلونا سلالم طلعوا عليها وتفوا على اللي تحت وبدهم تقاعد مدى الحياه بعد ماضمنوا التامين الصحي والاجتماعي والمياومات والتنقلات والسفرات والوظايف اللي تشهد لهم بالمستقبل لتكون درج يرجعوا منه
يادوله الرئيس سمعتهم بقولو غصة الجوع اقوى من تعذيبات المعتقلات والجوعان ما يفكر بالجيش ولا بالشرطة و بالدرك و المعتقلات لو جاع الموت ارحم له من انه يعيش جوعان فى بلده واولاده بموتوا قدامه جوع وقهر ومرض على الاقل عمره ما بجوع..... الموت ساعتها الشرطي والعسكري هم كمان اردنيين من قرانا وبلداتنا من غورنا من صحرائنا اجوا يحموه الوطن الله يحميه تاركين اهاليهم من الخميس للخميس وجيعانين واهلم شقيانين زيهم واكتر ومش راح يضربوا اللى حاله مثل حالهم واضرط شويه
حكومتنا نازله تعيين كبار وصغار.... وتصدر فرمانات برفع الاسعار والضرائب والسطو على اخر قرش بجيبه الانسان الاردني...... نسيت انها امام مسؤوليات وامانه وواجب وان عقول زلمها لازم تحك وتفكر كيف الحل ومن وين تجيب تسدد فواتير الفساد ورواتب واجور العباد ...فهم لهالواجب جايين . وزادت الطين بله قروض ومساعدات وخصخصة وانفاق غير مبرر والحل موجود ببساطه ......عصــــــــــر الانسان...... وشد الحزام..... وتمزيق جيبه.. بس للاسف ماعادت جيب ولا عاد انسان ....بقايا انسان.....
الحكومة مش مصدقه لانه بعض نوابنا بلموا لمه وبعزموا الكبير على مائده حالها بقول بعد انساننا مليان.......لاتصدقوهم حكومتنا نسيت كل شئ وحاولت تنسينا بقصص مرسي وسينا والنفط والغاز وبتعديل قادم وقانون جاي وتضبيط موازناتها وبالسفر والزيارات وفطور هون وفطور هناك ..... ونسيوا عيديه الايتام والفقرا ونسيوا شهرالحج ووقفه عرفه وماتركولنا حتى رغيف الخبز لحقونا عليه وكل يوم بهددونا فيه .....وبقولوا بدهم يعطونا بطاقه ونصف عالدور ونوخذ ثلاث ارغفه نسكت فيها جوع الاطفال والله اعلم متى ياتي الدور لاخذ الرغيف اللي هددونا فيه وهاي حجه الغلبان ماظل عندهم غير رغيف الخبز خذوه .....الكلاب شبعانيته....
واليوم لقوا شماعه اسمها التعديل حتى يخففوا من الاحتقانويخلوا نوابنا يبيعونا بارخص الاثمان ويقنعونا بالصبر ويصير الواحد يفكر ان الحال سيتغير ويصبر شويه كمان وياريت حفظوا الكرامه وقالوا تغيير تغيير مش تغيير شخوص بل تغيير سياسات ةبرامج مش تعديل وتسميه خانات جديدة وتعيينات ومناكفات مع الحزبي والوسط الاسلامي
وإحنا بدنا تعديل إنساني ......بلد بتموت وشعب فى حالة سكوت وكانها لعبة اتارى من كتر الظلم والظلمة بقول ياريت الماضي يرجع تاني

ياريت مانشوف الفاسد بطلع من صاله كبار الزوار بالمطار والشريف الغلبان عليره برموه بنظارة المطار على قيمه شيك منسي او غرامه طابع من سنين قبل مايسافر الشب ويرجع للبلد شايب
يابلدي..... انا اللي من صغري أخترتك جنتي وفراشي وغطاي ارجعت الك لقيتك مقبره اللي ولاولادي أنا اللي من صغري أخترتك كلمتي ألاقيكي مقيداني الشئ اللي تغير فيك انك صرت تضاهي اليابان بالغلا وارتفاع المعيشة بس على بلاطه وكبره على خازوق
أه يا بلدي ......نفسي قبل ما أموت الاقي زمانك وزمانى بلد بتعاني بكل المعاني بكياني وانا أملى أحس بكيانى نفسي أعيش من غير ما أنافق لفلان وفلاني نفسي أعيش من غير ما أنافق ولا حتي لا بوي اللي رباني علي السكوت وعلي العيشة,وانه شيخ جامعنا جامع الحمد باربد الشيخ رامي المومني ياحرام بعده بيقول المعارضة حرام وانااللي بقول لا اللي بطالب بحقه مش حرام
نفسى أعرف شو هو الحلال ياشيخ رامي فى بلد الالف حرامى
ياحكومتنا..... صدقوني مثل مابتنفذوا اوامر البنك الدولي احنا بنفذ اوامركم حرفيا ومصدقينكو بس بنسمع كلامكم وبنشوف اعمالكم ضدان لايتفقان ....وبعد البنك الدولي رايج جاي ذل الشعب وبمجد بالحكومة اللي بتنفذ اوامره بالحرف ...... جوعتونا وعطشتونا وقرفتونا عيشتنا وشو اكثر يوم كهربا ويوم نفط ويوم غاز ويوم خبز ويوم ضرائب ويوم ويوم ونفذنا وصاياك يادوله الرئيس بالحرف الواحد وعالعمياني الله وكيل نفذنا نصايحك
وماعدنا نعرف نوابنا الكل قاعد ومرخي ... ولما مايلاقي حصته راح يرجع ويثور ويصير ثوري ويطالب بالتغيير
وبعدكم بتقولو مديونيتنا وصندوق البنك الدولي رايح وجاي وبتقولو انه في ضرايب جديدة ومخالفات سير عالغميض وهون رادار وهون كاميرا وهون شرطي سير وغرامات وارتفاع اسعار وجمارك وغيره وغيرات ماهو كل مااجا الله يسلمه بقول بعد بكير ومطالبنا لازم تتنفذ وبعطينا روشيته جديده قبل ما تنتهي اللي قبلها بعطينا وصفه جديدة مش قابله للتغييرات حتى لو الشعب مات واخر المطاف بطلع علينا وزير وبقول نصنا اميه وبحول المدارس وقاعات الامتحان لسجون وزنازن وبهدم اخر ماظل من مصداقيه التعليم وبقول انجاز وظل على كرسيه الهزاز
ياريت كانت حكومتنا شفافة صادقه معنا من الاول لنثق بها ونمد لها يد العون لماذا سوقت وروجت للكثير من القصص والقضايا التي لم تنطلي على المواطن حتى هدمت جسور الثقة وفقدت المصداقية بين اطراف المعادله......... فعادت حكوماتنا لجرد الموازنه ومعرفه حجم الديون وفوائدها وبالمقابل ازداد الانفاق بل الهدر والمخالفات والفساد اتسعت رقعته و تراجع التصدير وزادت نسبة الاستيراد وهرب الاستثمار محليا واجنبيا بعد الاستفاده من الفرص الممنوحة مثلما كان التهرب الضريبي ورحيل الراسمال العربى والمحلي وحتى الاجنبي والسؤال الاكبر الا تفهم حكومتنا ان البنك الدولي ........هو عدو الشعوب لكنه ليس الوحيد المسؤول عن انعدام الرؤيا الاقتصادية الوطنية وغياب الشفافية والديمقراطيه المهزومة مثلما هي سياسات عباقرة الاقتصاد نعم الشعب مستني تعديل تغيير المهم تريحوه من همه وتخلصوه من غم ويستريح الاقتصاد والشعب يريح بطنه ويفتح عقله ويوجهه لفوق مش لبطنه ويشود القانون ويدوس الفساد
ياناس كلنا يعلم انه اذا كان اصلاح فساد السياسات معقدا وصعبا وليس قرارا وطنيا نظرا لتشابك الجهات ذات العلاقه فان اصلاح ماتفسده الضمائر الخربه الفاسده امر ممكن من خلال اجراءات يمكن ان تتخذها الحكومات ان لم تكن متورطه بها فما من أمةٍ من الأمم عبر تاريخها تهاونت في محاربه الفساد باشكاله إلا وحصدت الفوضى والتخلف اللذين يشكلان أخطر عوامل الانهيار ليس الاقتصادي فحسب وإنما القيمي والاجتماعي والفكري،