سرايا - تسلمت وكالة أنباء سرايا رسالة من أحد قراءها طرحت خلالها مشكلتها، وتالياً نص الرسالة: 

سرايا - انا بنت فقدت اهلي بحادث سيارة تعبت وانهرت حتى انا لحد هلا مش مستوعبة انهم ماتو..مرت ايام العزا وانا لوحدي لانو ما الي اي حد غير عمي يلي عايش بالسعودية رابع يوم العزا اتفاجأت بعمي والي ما حضر العزا بيحكيلي تعالي معي انا ما عندي بنات يعيشو لحالهم توكلت على الله وسافرت معو من اول يوم عندهم عشت جميع حالات القسوة والضرب و الاهانة شغلوني متل الخدامات ما بحكي غير الحمد لله للعلم بس عمي عندو بنت 20سنة وشب 22سنة مر شهر وانا ع نفس الحال بخدمهم بس عشانهم من ريحة الغالي بابا ..في يوم اكتشفت انهم جابوني عندهم مش عشان سواد عيوني بس عشان الورثه! جابو المحامي من الاردن ليوزع الورثه وبلش المحامي يقرا الوصية يلي صدمت الكل بابا الله يرحمو كاتب كل شي باسمي انا واخي الله يرحمو وحكا المحامي بما انو اخي مات فالورثة كلها الي واني ما بقدر اتحكم فيها غير لما تمر سنة واتزوج طبعا هيك بابا كاتب بالوصية لازم اتزوج ابن حلال ليشغلي الفلوس عمي ما صدق على الله جبرني اتزوج ابنهم الوحيد وللاسف من ظلم لظلم اكبر سكني ببيت لحالي مش حبا فيني لاء والله يا ناس كل يوم بيرجع سكران واوقات بيرجع ومعاه وحدة من بنات الي استغفر الله هاد غير الضرب والله يا ناس تعبت انا بنت عمري18سنة بس حاسة حالي80 سنة الحمد لله ع كل شي والمصيبة قبل اسبوع اكتشفت اني حامل بالشهر التالت والله مصيبتي كبيره فكرت اني اجهض بس كيف اقتل ابني بايدي؟اصلن لو ما انا يلي رح اجهضو رح يموت من الضرب شو بتنصحوني اعمل الله يخليكم كونوالي الاهل يلي فقدتهم وساعدوني

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا