سرايا - انا تزوجت وسكنت ببيت العيله وبيت العيله ما حدا طايق حدا فيه صار ظرف واطريت اني اسكن ببيت العيله موقت فتره شهرين ونطلع بس الي سنتين ومش كاينه اطلع
انا مش مرتاحه خصوصا انو حمام واحد ولا حدا مرتاح اسمع حكي اكتر من مره انو متى راح ترحلو خلص اطلعو استقرو المشكله انو زوجي ما بدو يطلع من البيت وانا مش طايقه البيت ولا الي بالبيت طايقيني حاولت افهمه مش كاين يستوعب ازهقت من رمي الحكي كل يوم
حردت عند دار اهلي شهر ما سأل فيه حكالي ازا ما بدك ترجعي ما ترجعي خليكي عند اهلك لو تضلي العمر ما راح اطلع من هالبيت
والله اتعبت انا اهلي كتار وضيوفي وصاحباتي بصراحه البيت كتير قديم ومش مرتب وممنوع انا اغير شي او ارتب اضيف اشياء والله مشتهيه بيت الي والله اني بضايق لما يجي حدا علي بحس انو اشي بخزي
ما خليت طريقه لاقنع زوجي صابني اكتآب ع الفاضي
بدي طريقه اقنعه بس ما اخسر زوجي"