ما عندي شخص أشكي له همي

18-10-2017 11:16 AM

تعديل حجم الخط:

سرايا - انا بنت عمري ٢٠ سنه اهلي انفصلو لما كنت سنتين وما كنتاعرف امي اتربيت باهانه عند دار جدي كانو يطلعو ويتركوني انا واخواني بالبيت ليروحو كبرنا شوي زادت المسؤوليه ع بابا بطل يقدر ينتبه علينا و هو عندو شغل قرر يتجوز بوحده تهتم وتدير بالها علينا وتعتبرنا متل ولادها طبعا مرت ابوي كانت مره منيحه ومره لا واهلها ما كانو بحبونا ابدا اجانا اخوان منها و انفصلت كمان هي عن بابا هلا انا واخواني عايشين بالبيت مع بابا كل المسؤوليه علي تدريسهم وشغل البيت و دراستي غير اني اطبخ واغسل والاحق ع طلبات دار جدي ومو مسترجيه اهرب من هالواقع واتجوز لانو راح يضيعو وراي ما في مين ينتبه عليهم و يخدمهم و ونفسيتي بتخزي مع العلم ما عندي حد افشلو قلبي امي مو موجوده بعرفها زيها زي اي مره غريبه عدد المرات الي شفتها فيهم بنعدو عالاصابع و مو هالعلاقه بيني وبينهامجرد فضفضه الله يهونها ياا رب.

تابع قناتنا على يوتيوب

تابع صفحتنا على فيسبوك

تابع منصة ترند سرايا

وسوم: #سرايا #اريد #حلا

طباعة

المشاهدات: 28253


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	18-10-2017 11:16 AM سرايا
2 -	والله انك بترفعي الراس ... والله ما بجاملك والله انا بفتخر فيكي وانت لا بتقربيلي ولا بعرفك معلش يا اختي الدنيا هيك فيها ظلم وان شاء الله ربنا الكريم بيعوضك عن تعبك بالدنيا والآخرة الله يقويكي و يعطيكي ياااارب الصحه و العافية و يجازيكي خير عن أخواتك الصغار شدي من همتك و لا تخلي شي يكسرك انت اقوى من الظروف لا تفكري والله انك بتسوي بناااات كتير ما بينعده و ترى والله انك بتوزني زلم بشوارب الله يحفظك و يرعاكي انا شخصيا .... كل الاحترام والتقدير و الفخر والاعتزاز في شخصية متلك	18-10-2017 07:24 PM Green Eyes التبليغ عن إساءة
3 -	بكفي رب العالمين معك..... عن جد انك كبرتي بعينا... انتي انسانه مافي منك... ربنا يعوضك خير.. ويفرج همك انتي واخوانك... بعدين شو بدك احسن من هيك اجر... ربنا مارح ينساكي... ومابعد الضيق الا الفرج .... استعيني بالله ... وداذما رددي لاحول ولاقوة الا بالله.... وديري بالك عحالك وعأخوانك... وان شاء الله نسمع عنك كل خير.. ونشوفك احلى عروس يارب...	18-10-2017 09:27 PM ياسمينه التبليغ عن إساءة
4 -	الله يهدي بالكم يارب ويبعتلكم ايام حلوة فعلآ في أمهات حرام يتسمو بالأم كيف عندهم قلب يتنازلو عن ضناهم الأم هي التي تنجب وتربي ليس فقط التي تنجب الله يكون معك أختي	18-10-2017 10:07 PM سندريلا التبليغ عن إساءة
5 -	ماشاء الله عليكي...... المسؤولية كبيرة.. واخوانك محتاجينك. علميهم الاشي الصح وازرعي فيهم. محبة بعض... وملك ادعي واكثري من الاستغفار.. وربنا ما رح يضيع تعبك..	18-10-2017 10:30 PM زينة التبليغ عن إساءة
6 -	انت بنت ماشاالله عليك ربنا يوفقك انت وإخوانك وربنا انشاالله مايضيع تعبك الله معك عمو	18-10-2017 11:56 PM اسامه التبليغ عن إساءة
7 -	طيب كيف ما بتشوفي أمك ؟ هذا غلط يا قلبي هاي بتظل أك و هي أقرب انسان عليك بل حتى لازم تزوريها هاي صلة رحم حبيبيتي . و هي نفس الشي ما لازم تركتكم حتى لو انها انفصلت عن ابوك . موفقة	20-10-2017 07:59 AM التبليغ عن إساءة