سرايا - تسلمت وكالة أنباء سرايا رسالة من أحد قراءها، طرحت خلالها مشكلتها وتالياً نص المشكلة:

سرايا - انا بنت من دولة ثانية غير الاردن جامعية اعذروني لانه اول مرة اكتب مشكلة لحدا او فيني احكي فضفضة اذا سمحتم انكم تسمعوا بصراحة بداية قصتي اني حبيت حدا عنت من الاردن تعرفت عليه ممكن انكم تتسائلو ليش الطريقة هاي راح احكيلكم لانو ما عندي ثقة انو ممكن حدا من بلدي بالذات يرضى فيني حتى لو كنت ملكة جمال لانو ببساطة انا مريضة ومرضي كثير يتخوفو منو انا مريضة من الصرع لهيك حبيتو بهطريقة حبيتو ودخلتو باحلامي يعني كذبت عليه بكل شي في البداية كانت مجرد سد لفراغ عاطفي او حب للاطلاع تطور الموضوع بسرعة وصار حب عن جد مثل ما قلت انا حبيتو لكن كذبت عليه حتى في شكلي بالبداية و كل هاد لحتى ما اخبرو اني مريضة من الصرع ويبتعد عني شوهت صورتي امامو بكامل الطرق ؛ بعد ثلاث سنين من الحكي شاف شكلي الحقيقي ساعتها حسيت اني عجبتو فعلا فاضطريت اخبرو بكذبة تانية وهي اني "لست عذراء" ما همني اي شي ساعتها غير انو يبعد عني واتخلص من الحالة هاي وانو ما اتعلق فيه زيادة وفعلا تم كل شي مثل ما خططتلو وبعد عني بشويش وصار ما يهتم فيني مثل الاول وقال انو بدو يخطب وانا عذرتو ؛ تغير معي وصار يحاكيني من فوق على اني انسانة مش شريفة وانا متاكدة انو انا الي عملت هيك في حالي وقررت بعد عنو ، مرضت بعدها ودخلت المشفى و اول ما طلعت رجعت احاكي انا ما بدي حل كرمال انساه لانو بعرف اني ما اقدر بس فعلا كان بدي افضفض وارجوكم بلاش تعليقات ساخرة لانو اعرف كل كلمة ساخرة راح تقولوها اذا ما كنت حافظتها وما بدي مواساة لانو طلعت سعيدة من التجربة هاي بس فعلا بدي اعرف هل لو خبرتو بمرضي كان راح يوافق انو نكمل ولا لا ؟ يعني بدي اعرف اذا انا غلطانة او لا؟؟؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا