الجميع يتخلى عني

26-10-2017 10:15 AM

تعديل حجم الخط:

سرايا - أنا شاب عمر 22 سنة قلبي طيب جداً أكثر من اي تصور .
بحب الخير للجميع ومش ممكن اضر حدا حتى او اذاني .
وللاسف طيبة قلبي هي السبب بدمار حالي .
كل ما اتعرف على صديق بعامله بطيبة وباحترام .
وبوقف معه بمواقف الله يعلم فيها .
فجأة بلاقيه قلب واتغير وكأنه ركب راس جديد !
وبدون اي سبب .
هل الدنيا هيك صارت . ولا لاني انا طيب زيادة عن اللزوم
هيك بصير فيي ؟ انا طيبتي مو بأيدي . هي صفة من الله عزوجل معطيني اياها مع العلم اني بحمده وبشكره لانها نعمة بالنسبة الي
بس بدي حل ارجوكم ساعدوني انا ادمرت من هالموضوع .

قبل كم يوم اتعرضت ل خيبة مرضتني من شخص
كنت اعامله واعتبره اخ اللي كان صديق واخ ل 5 سنوات
ساعدتو بكتير ودفعت عنو ديون وكتير شغلات امور وكلو لوجه الله تعالى . وفجأة بطل يرد السلام .. لو في سبب ما بزعل ..
بالنهاية .. بتمنى منكم تساعدوني بوجوود حل جذري لهالسكاكيين اللي بتنزل ع قلبي وشكرا لكل واحد اتفهم موضوعي منيح وناوي يساعدني

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

وسوم: #سرايا #اريد #حلا

طباعة

المشاهدات: 27997


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	26-10-2017 10:15 AM سرايا
2 -	مسا الخير أخي أنا نفس القصه صارت معي هيك الناس والطيب بفكر الكل طيب متله والوقح بفكر الكل وقح متله هيك صايره الناس مش عارفه ليش ويا جماعه الدنيا رايحه ليش هيك وليش الضرر والكره بس كله عند ربنا ما بنتسى ما تخاف ربنا ما بترك حدا تأكد	26-10-2017 01:05 PM إلى صاحب المشكلة التبليغ عن إساءة
3 -	انا يا اخي ما بفشل اي انسان بحاجه للمساعده ، وعلى اللي بقدر عليه	26-10-2017 03:44 PM مها احمد التبليغ عن إساءة
4 -	احنا بوقت كل واحد منا بصاحب الثاني لمصلحه وما بتلاقي الا عدد قليل بصاحبك لشخصك .لا تندم ع طيبة قلبك بس بنفس الوقت انتبه من يلي حوليك صاحبهم وظلك حذر منهم ولا تأمن لاي انسان مين ما كان .	27-10-2017 08:52 PM امونه التبليغ عن إساءة
5 -	الناس ما بتحب الضعيف واللي محتاج صحبتهم وطيبتك سبب يستغلوك مش سبب يحبوك قدم منيح للي قدملك قبل وحده بوحده وما تحسسهم انك بتعمل اي شي مشات يضلو معك حاول تتسلى نعهم ويتسلو معك وما تبين ضعيف مشان ما يملو منك	29-10-2017 12:22 AM Samar التبليغ عن إساءة
6 -	طببعة الانسان يستهون بالاشياء اللي بملكها ومتاحه الو وانت متاح ومتأكده انك بتتصل كتير وبتهتم كتير وبتبين محتاج للناس نفسيا طبعا وهاد شي منفر للانسان لانه نمرود وسطحي عموما الناس المش منبحه دايما صحبتهم مسليه لانهم بنافقو الناس وبيجاملو كتير وبضحكو وبتسلو وما بتعاملو بحساسيه ومشاعر اساسا مجرد ما صرت واضح وداخلك مكشوف بتبطل الك قيمه	29-10-2017 12:26 AM Samat التبليغ عن إساءة
7 -	لا حد يحس انه مهم عندك وساعد الناس بدون ما تأثر على حالك مشان ما يستخفو فيك ويحسوك ضعيف واهبل ازا ما حبيت حالك ماحد رح يحبك وازا اعطيت قيمه لحد وحس انه مهم بصير يتهرب منك مشان ما تلزقه اهمل الناس بيصيرو يفكرو انهم مش مناح وبتدايقو وبصيرو همه ملزقين فيك مشان يثبتو لحالهم انه ما عندهم مشكله بشخصهم يعني هاي بعض الامراض البشريه بدك تدرسها مشان تفهم وين الله حاطك وتعيش مبسوط مع هالعالم المريض	29-10-2017 12:31 AM Samar التبليغ عن إساءة
8 -	اسمع انت قهرتني ليش يعني ما تعكس الوضع بدل ما تبذل حالك للعالم انت اللي استى يفيدوك وازا ما فادوك انت اتركهم وازا ما عجبوك انت تتركهم باختصار خلي عندك شخصية وعارف شو بدك وحدد هدفك من صحبه اي حد اما تسلايه و وقت حلو او اهداف وافكار مشتركه او شخصيه متشابهه وسيبك من صحبه كل من هب ودب زي كنك مش قادر تقعد لحالك مع انه حالك احسن من القعده مع هيك اشكال الصحبه بتتحدد لاسباب مش هيك عالبركه مش كل حد بستاهل وقتك وخيرك انت أولى وأبدى حب حالك يا اخي اكتر من اي حد او اي شي هاد واجبك اتجاه نفسك	29-10-2017 12:36 AM Samar التبليغ عن إساءة
9 -	لا انت مش غلطان نهائي بطيبة قلبك ، بس الناس يلي تعاملهم متل العمى هم الغلط هم يلي فيهم العلة ، هذول الناس ما بستاهلوك تتعامل معهم أصلآ يعني بدهم واحد نذل متلهم .. خليك ماشي على خطاك .	03-11-2017 03:04 PM سهى التبليغ عن إساءة