زوجتي وأهلها يكرهونني

30-10-2017 11:23 AM

تعديل حجم الخط:

سرايا - انا متزوج الي 6 سنوات المشكله نسايبي كثير يكرهوني وانا بعاملهم باحترام وهاذ الشي انعكس ع بيتي تخيلو كل يوم مشكله مع زوجتي ع اتفه سبب حتى وصلت معها تروح تشتكي علي 3 مرات مره اني بدي اقتلها ومره سارق ذهبها مع اني شفته معها وطنشت ومره اني بدي اقتل ابني وسبت ع اهلي قدامهم مع انه مع غلطو معها وكنت بدي اطلقها واهلي خرسوني ..حتى بس بدها تحكي مع حدا من اهلها ع موبايل تبعد عني عشان ما اسمع شي وتروح ع غرفه الثانيه..انا ساكن بعيد عن دار اهلي يعني حوالي 89كيلو عشان شغلها وانا بروح عند اهلي كانت تروح معي بس اجى ابني ع الدنيا من 3 سنوات صرت اترجها تروح معي وبالموت لحتى توافق واحيانا ما توافق مع انه اهلي يعاملوها معامله غير شكل ف انا استغربت ليش بطلت تروح معي.. قبل فتره تلفونها كان طافي شحن واستخدمت موبايلي تحكي مع ابوها طبعا كنا عند دار اهلي وحكت مع ابوها بالغرفه الثانيه وبعد ما خلصت مكالمه سمعت المكالمه ع برنامج التسجيل وانه يحكيلها عني ويسب علي بدون سبب ويحكيلها ضلي اقراي ع ابنك مغوذات وايه الكرسي الجماعه يضربو بالعين يلعن ولايهم وصار يسب علينا..المشكله نسايبي والمحافظه الي ساكنين فيها هم معروفين بالعين والله بحياتي مع عمري قصرت معهم بشي حتى بس يجو ع بيتي بيضلو عندي اقلها 4 ايام لانهم ساكنين باخر الدنيا شو اعمل بالختيار هاذ المشكله عمره فوق 70 سنه.

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

وسوم: #سرايا #اريد #حلا

طباعة

المشاهدات: 30757


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	30-10-2017 11:23 AM سرايا
2 -	وحد الله ياخوي واستهدي بالرحمن واصبر . معاناتك اكيد صعبة لكن بدك تصبر لانه الطلاق مع وجود ابنك خراب بيوت	30-10-2017 02:41 PM نصيحة التبليغ عن إساءة
3 -	مسا الخير أخي حاول معها وإذا ما قبلت وضلت مصره خلص انفصل عنها بس بالأول حاول معها مش عارفه ليش في بنات هيك يعني شو العيب إذا الوحده زارت بيت حماها لا حرام ولا عيب هي أنا مش متجوزه بعدني بس أكيد لما أتجوز بطلع من عند أهلي لأهلي التانين مهما صار بزورهم لو مره بالأسبوع عشان جوزي بروح معه وبزورهم مهما صار يا خوي حاول معها إذا ما في فايده انفصل عنها بس بالأول حاول لأنه عندك ولد حرام والك كل الاحترام	30-10-2017 03:02 PM إلى صاحب المشكلة التبليغ عن إساءة
4 -	وغير هيك بدك تتحمل هي أنا بحكولي ألف شب بتمناكي بس عندي ضروف صعبه مشان هيك مش زابطه معي يا الرفض مني يا منه وهيني عايشه ومبسوطة ونشكر الله ربنا معي ومتاكده إنه رح يبعتلي إبن حلال وكويس يفهمني عادي ولا تزعل هيك الحياه صارت اللهم نفسي توكل على الله والله يجيب يلي فيه الخير أمين يا رب	30-10-2017 03:08 PM إلى صاحب المشكلة التبليغ عن إساءة
5 -	الى صاحب مشكله انت شكلك ولد صغير وتكتب وتستهبل علينا او انك منت رجال سبع وسبع هيك رجال	31-10-2017 01:01 AM ايس كريم علفحم التبليغ عن إساءة
6 -	طلق مرتك	31-10-2017 07:36 AM العميد التبليغ عن إساءة
7 -	الحياة أعظم من أن اتعثر بها من اجل احد ....	31-10-2017 09:02 AM سندريلا التبليغ عن إساءة
8 -	يا اخي يعني انت ليش مصر تروح عند دار اهلك يعني واجب اهلك عليك مش عليها خد ابنك وروح عند اهلك واتركها لما تشوفك طنشت هيك راح هي تحكيلك بدي اروح معك وتاني شي طنش دار حماك يعني كتر التدقيق على اتف الاسباب بتزيد الامور وبتكبرها بنصحك تاخد اجازة فكرية عشان ترتاح لأنه انت مكركب والله التطنيش احسن وسيلة للعيش مع هيك شعب	31-10-2017 09:29 AM دلع التبليغ عن إساءة
9 -	سامع بقصة الزوجة اللي حكت لجوزها ولا يهمك كمل ضرب . حبيبي ما بفل الحديد غير الحديد . جيب عليها ضرة وخليها اوعك تطلقها لاي سبب كان .	31-10-2017 10:06 AM سمير سمرمر التبليغ عن إساءة
10 -	وهل تعتقد ان الله خلق الناس للعبودية والاذلال وما كان رسول الله صلى الله عليه وسلم ان يوصي بالنساء الا لمعرفته بوجود جيل سوف يهنهم وما اهانهن الا لئيم وما اكرمهن الا كريم واوصيكم بالنساء خير لماذا كل هذه التواصي لأنه يعلم بأن هذا المجتمع سوف يجور على النساء وسوف يفهم الدين بطريقته	02-11-2017 02:58 PM دلع الى سمير سمرمر التبليغ عن إساءة
11 -	بكفي الله رزقك بموظفة .. خليك ساكت احسنلك .. غيرك يلي زوجته موظفة بتمد إيدها عليه مش بس لسانها ..	03-11-2017 03:32 PM اسكت احسنلك ب التبليغ عن إساءة