أعاني من خطيبتي

04-11-2017 11:24 AM

تعديل حجم الخط:

سرايا - مشان الله لاقولي حل
انا يا جماعة كنت خاطب .. وكنا انا وخطيبتي نحب بعض كثير ومهتمين في بعض بادق تفاصيل حياتنا .. كانت كثير عاطفية ورومنسية وشعنونة واذا ما بحكي معها اكثر من ثلاث اربع مرات في اليوم تصير تعيط وكانت حياتنا مليانة بالمواقف الحلوة … وللاسف لضروف الاحداث اللي صارت ببلدنا اللي اثرت على علاقة العيلتين ببعض انفصلنا انا وخطيبتي (غصب عني وعنها) وصار رجوعنا من عاشر المستحيلات ..
وبدت رحلة العذاب والتفكير القاتل لاكثر من سنة
لحد ما خلص قررت اخطب…
خطيبتي الجديدة ما شا الله عليها( ادب اخلاق جمال )
انا بحبها أو بوهم حالي اني بحبها … لكن هي جافة لابعد الحدود .. عادي عندها بيوم تنام بدون ما نحكي .. ما بتتفاعل معي لما نحكي سوا .. قليلة الحكي… غير رومنسية… عسبيل المثال جبتلها مرة ورد وحطتو عالطاولة اللي بغرفة الضيوف .. روحت وثاني يوم جيت عندهم لقيت الورد زي مهو مرمي عالطاولة… وغيرها كثير من المواقف الصغيرة
ما بعرف هل انا لساتني من جوا بظل اقارن فيها بخطيبتي السابقة .. او هالشي طبيعي

تابع قناتنا على يوتيوب

تابع صفحتنا على فيسبوك

تابع منصة ترند سرايا

وسوم: #سرايا #اريد #حلا

طباعة

المشاهدات: 47351


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	04-11-2017 11:24 AM سرايا
2 -	هو إنت يا طخو او اكسر مخو ههههههه	04-11-2017 02:17 PM سندريلا التبليغ عن إساءة
3 -	لكل انسان شخصية مختلفة عن الاحر ........... وانت تريد من تدلعك وانت خاطب وهذه انسانة حكيمة ما بدها تعطيك كل شيء مرة واحدة ...............	04-11-2017 07:23 PM غزل التبليغ عن إساءة
4 -	اخوي العزيز, اولاً انسى الماضي وسكر عليه بمفتاح وارمي هالمفتاح بالبحر. ثانياً اذا انت مش مبسوط مع خطيبتك الحالية لا تلبس حالك بجيزة عليها علامة سؤال...بكرة اذا اتجوزتها ولقيتها ما بتهتم فيك يا اما رح تعيش مكتئب يا اما رح تطلق. بس عفكرة الورد والرومانسية لا يعبرو ابداً عن الحب...يعني نصيحتي لا تاخذ حركة الورد على انها ما بتحبك. والله يوفقكو	04-11-2017 08:02 PM اردني مغترب التبليغ عن إساءة
5 -	لهيك مستحيل اوافق على واحد فاسخ أو مطلق لا سمح الله ؛ لإنه تلقائيآ رح يقارن بيني و بين السابقة .. شي مش بإيده الواحد .. بصير لازم يقارن و ما بقدر ما يقارن . والله إني حاسة بشعورك .. بس مع الزمن ان شالله بتهون و بتصير لحالك تعرف انه هذا طبع خطيبتك و مستقلة تمامآ غطعن طليقتك . موفق ان شالله	04-11-2017 10:18 PM ايات التبليغ عن إساءة
6 -	فعلا كلامك درر وبتحكي واقع اشكرك	04-11-2017 10:51 PM ام عامر الى المغترب التبليغ عن إساءة
7 -	All girls are like that	05-11-2017 04:13 AM baker التبليغ عن إساءة
8 -	شكله المشكلة فيك لانك قاعد بتقارن بين الاولى والثانية المفروض مجرد ما انك قررت ترتبط بالثانية رميت ورى ظهرك كل ماضي الاولى بس انت متعلق بالاولى والدليل اول ما ذكرت لنا محاسن خطيبتك الاولى	05-11-2017 12:36 PM لين التبليغ عن إساءة
9 -	اذا كنت خاطب أو مقبل على الخطوبة والانسانة التي تحبها متعبة أو لا تقدر لا تكمل العلاقة لان ماتتعبك في البداية ستكون أكثر تمرد في المستقبل والمراة عموماً من النوع لا تقدر مهما فعلت معها يكون فقط تقديرها نسبي في إيطار عمل إيجابي معاها وفي النهاية أنت المروج لها في التعامل بينكم ويجب على البنت تقدر خطيبها تقدير يليق بيه والانسانة التي تقدر كل من حولها وتقدر مايدايق أفعال أقارب لها أو أصدقائها في أشياء تدايق خطيبها ومعارضة لها وتجادله وتستمر في الخطاُ انسانة فاجرة لا تصلح لان أمر كارثي تقدر من حولها لانها اكثر عشرة بهم ولا تبرمج نفسها أو حتي تقرق أن خطيبي الذي سوق يكون زوجي أهم من كل ماحولي مهما كانه .	11-12-2017 07:08 AM أحمد هشام-محرر صحفي التبليغ عن إساءة
10 -	مهو من ضمن الأسباب يلي بتخلي البنت ما توافق على مطلق أو فاسخ هي المقارنة بينها و بين السابقة .	03-01-2018 02:26 AM سهى التبليغ عن إساءة