ظروفي صعبة لاتسمع لي بالزواج من حبيبتي

08-11-2017 11:23 AM

تعديل حجم الخط:

سرايا - جمعتني قصة حب بيني وبين بنت لقيت فيها كل الصفات اللي يتمناها أي شاب مثقف، وونادرا إني ألاقي شخص بشترك معي في حاجات كثيرة جدا
هي عمرها 22 وأنا 26
وكنت منتظر الفصل الجاي اتخرج ماستر وأطلب من اهلي يخطبوها
لكن و فجأة شاء الله هاﻷسبوع أن يتقدم لها أحدهم أكبر منها ب13سنة بال35
وأهلها أعجبو فيه جدا ﻷنه مرتاح ماديا وهما حالتهم صعبة مع الاوضاع بالبلد
لكن البنت رافضة جدا ومتأثرة ودخلت في حالة نفسية صعبة و مشاكل مع أهلها ولازال الموضوع ما اكتمل
والعريس مصر عليها وهي حاولت تلمحلو انو مابدي ياك بس مافي فائدة
واحتمال خلال شهر ونص يتزوجو
رفضها ﻷسباب كثير فضلا أنه لا يناسبها فكريا ولا دينيا ولا عمريا ولا أي مشتركات
فالرجل من جنسية أخرى غير جنسيتها ومافي توافق فكري بينهما
وغير هيك هيه بدها ياني
وأنا مقهور جدا
والله مش عارف شو أعمل
بفكر إنو بما أن أحدهم دخل إلى حياتها وستصبح في ذمة هذا الشخص فما بجوز أضلي أحكي معاها وأتواصل
وبنفس الوقت ما بدي أنهزم بسهولة وأتراجع وأطلع من حياتها هيك
وانو أضلي معاها لحتى أشوف شو رح يصير
جد محتاج حتى لو نصيحة حتى لو جبر خاطر حتى لو حل ما وكلمة طيبة والكلمة الطيبة صدقة
و حدا بيعرف اذا فيه دعاء بستجيب الله لانو بحكو لا يرد القضاء الا الدعاء
أسأل الله أن يجبر خاطرنا وخواطركم وأن يرزقنا وإياكم سعادة الدنيا والاخرة ."

تابع قناتنا على يوتيوب

تابع صفحتنا على فيسبوك

تابع منصة ترند سرايا

وسوم: #سرايا #اريد #حلا

طباعة

المشاهدات: 41129


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	08-11-2017 11:23 AM سرايا
2 -	مشكلتك سهله كثير ، هي تحكي له انها. لا تريده واذا صمم عليها تقول له بالعربي مفتوح انها تحب شخص ولا تريد غيره ، هو لما يعرف مستحيل يىقبل على نغسه ياخذها مشكلتك سهله كثير يا حلو	08-11-2017 02:34 PM مها احمد التبليغ عن إساءة
3 -	رسالتي لكل الشباب يلي بتمعشقوا من الشباك قبل الباب .. إنه بلا مؤاخذة لما حبيبتك تتزوج لا تنقهر لإنك إنت السبب و المفروض إنك ما دام إنك بتفكر إنك تصير أبو لعيلة قبل هيك لازم تفكر و تعرف إنها البنت بأي لحظة ممكن ييجيها عريس الغفلة و النصيب يحكم .. يعني البنت بأي لحظة بتنخطب متى رح تعرفوا هالشي يا شباب ؟ ليش تتأخروا بعلاقاتكم ؟!!!!! و تصيروا تندبوا بحظكم العاثر ؟	08-11-2017 10:54 PM سهى التبليغ عن إساءة
4 -	رسالتي لكل الشباب يلي بتمعشقوا من الشباك قبل الباب .. إنه بلا مؤاخذة لما حبيبتك تتزوج لا تنقهر لإنك إنت السبب و المفروض إنك ما دام إنك بتفكر إنك تصير أبو لعيلة قبل هيك لازم تفكر و تعرف إنها البنت بأي لحظة ممكن ييجيها عريس الغفلة و النصيب يحكم .. يعني البنت بأي لحظة بتنخطب متى رح تعرفوا هالشي يا شباب ؟ ليش تتأخروا بعلاقاتكم ؟!!!!! و تصيروا تندبوا بحظكم العاثر ؟	08-11-2017 10:54 PM سهى التبليغ عن إساءة
5 -	مرحبا أنا بنت عمري 23سنه في شبين طلبوني واحد على قدر من الجمال ووضعه المادي ممتاز ولكنه غريب كل همه الروحات والجيات وبحكي معي كأني مرته كتير بحكي معي مع إنه ما بقبل بس حكالي أنا مستحيل اتركك وبحبك بس مشكلته بعاملني كأنه مرته مع إنه لسا مش خاطبين	09-11-2017 04:39 AM Www التبليغ عن إساءة
6 -	والتاني على قدر من الأخلاق مع إنه كشكل مقبول والجمال مش كلشي وهو مش من البلد وكويس ووضعه المادي متوسط ولكن في فرق كبير بين التنين من ناحيه الجمال والأخلاق صليت كتير بس ما بعرف مين أختار ومين ساعدوني بدي حل شو أعمل ومين أختار شكرا الكم على سماع قصتي والكم كل الاحترام وإذا سمحتو ساعدوني لأنه ضعت ومش عارفه شو أعمل وشكرا	09-11-2017 04:44 AM Www التبليغ عن إساءة
7 -	شو بتعشقي افلام هندي	09-11-2017 11:44 AM الى www التبليغ عن إساءة
8 -	الى صاحب المشكله فكر بعمق فإن كانت امورك المادية تسمح لك بالزواج منها فتقدم لها وهي بدورها إذا شاريتك رايحه تحاول تقنع اهلها ولا تتركها لحالها تواجه اهلها والعريس إلي إتقدملها....اما إذا مو مقتدر ماديا فادعو اللهم إني اسألك رد القضاء واسألك اللطف فيه وذلك اضعف الإيمان اما إلى Www ما عليك سوى الإستخارة فالرسول عليه الصلاة والسلام يقول ما خاب من إستخار واتركي الباقي على رب العالمين وربنا بإذنه تعالي سيقرب لك الخير ويبعد عنك الشر. بس في شغله حابب احكيها إلك مو كل واحد بتظاهر بالأخلاق بكون عندو اخلاق بس للمعلومه وليست موجهه للشاب الذي تقدم لك	09-11-2017 11:44 AM المستشار.... التبليغ عن إساءة
9 -	ممكن تتواصلي معي اسمي مها احمد الورده حمراء لا تخافي انا اعمل كاتبه للمشاكل ولي موقع اعمل فيه	09-11-2017 01:35 PM مها احمد الى تعليق رقم ٥ التبليغ عن إساءة
10 -	يسعد مساك اخي المستشار كيفك أن شاء الله تكون بخير . كل الاحترام والتقدير لشخصك الكريم وانا بأيدك بالكلام يلي حكيته وفعلا اذا البنت بدها اياه رح تعمل المستحيل حتى يكونوا لبعض.	09-11-2017 06:51 PM امونه الى المستشار التبليغ عن إساءة
11 -	إلى تعليق رقم 6يا بتحكي اشي مفيد يا لأ ما تحكي وإلى المستشار ومها أحمد شكرا الكم وأخت مها ما عندي فيس بوك وشكرا للمستشار والك أخت مها والكم كل الاحترام وربنا يجيب يلي فيه الخير أمين يا رب ربنا كريم وما بترك حدا ورح اتوكل عليه شو كاتب ربنا بصير	09-11-2017 10:10 PM Www التبليغ عن إساءة
12 -	وااااااااال 13سنة ؟ يلعن حريشه من عقله متقدملها ؟ معنلها هو متقدملها بس ليشبع غرايزه ما بهمه التوافق بالتفكير و لا التوافق بأي شي إلا إنه يشبع غريزته الجنسية . هو أكيد رح ينبسط جنسيآمعها لإنه رح يكون جسمها حلو أما هي ما رح تحس بمتعة جنسية معه بالعكس هي يلي رح توكل هوى . يعني فرق العمر الكبيرلصالحه هو مش صالحها هي . بلله تحكيلها عن هالشي بلاش ترمي حالها ع9	10-11-2017 09:43 PM واااااااااال التبليغ عن إساءة
13 -	وااااااااال 13سنة ؟ يلعن حريشه من عقله متقدملها ؟ معناها هو متقدملها بس ليشبع غرايزه ما بهمه التوافق بالتفكير و لا التوافق بأي شي إلا إنه يشبع غريزته الجنسية . هو أكيد رح ينبسط جنسيآمعها لإنه رح يكون جسمها حلو أما هي ما رح تحس بمتعة جنسية معه بالعكس هي يلي رح توكل هوى . يعني فرق العمر الكبيرلصالحه هو مش صالحها هي . بلله تحكيلها عن هالشي بلاش ترمي حالها عهيك ختيار . المفروض يكون العمر متقارب بل حتى ما في مشكلة لو كانت البنت أكبر من زوجها بس ما تكون أكتر من سنتين ،المهم يكونوا قراب من عمرهم .	10-11-2017 09:46 PM واااااااااال التبليغ عن إساءة
14 -	ندااااء إلى زهرة النرجس ...............	11-11-2017 10:20 AM محمدكو التبليغ عن إساءة