حبيبتي تدخن

26-11-2017 02:10 PM

تعديل حجم الخط:

سرايا - تعرفت على فتاه واثناء دراستي بالجامعه ، اصبحت بيننا علاقه حب ، واردت الارتباط فيها

ذهبت لامي وقلت اريد خطبت فتاه قالت لي الوالده اريد رؤيتها بالجامعه واذا عجبتني ، سوف اخطبها لك ، قلت لها ماشي وفعلا ذهبت لتراها ، وجاءت غاضبه قلت لها ما بك لماذا انت غاضبه ، هل البنت غير جميله ؟
قالت امي بلى هي جميله بس الا تعلم انها تدخن قلت لها ماذا تقولي ؟ قالت جلست بجانبها ورائحتها كلها دخان
ذهبت مسرعا وقلت لها هل انتي تدخنين قالت نعم
قلت عليك بترك الدخان قالت لي لن اتركه قلت لها انا ارفض زوجتي ان تدخن خوفا على اطفالي ، قالت سوف اترك التدخين بس ارفض ترك الاركيله قلت لها اذن انسي حبنا اما بتتركي التدخين او بتنسي حبنا
قالت سوف انساك وذهبت غاضب واقول في نفسي هكذا تنسى حبنا بهذه السهوله من اجل الدخان
المشكله حاولت ابعد عنها لم اقدر وهي مصممه على رأيها الاستمرار بالدخان ماذا افعل؟ انصحوني

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

وسوم: #سرايا #اريد #حلا

طباعة

المشاهدات: 58529


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	26-11-2017 02:10 PM سرايا
2 -	قلت وقالت يعني يا بني ازا تركتك عشان ارجيلة شو بتتوقع بالمستقبل ؟ راح تفسخ الخطبة عشان لون البرادي مراهقوون	26-11-2017 03:13 PM سمر التبليغ عن إساءة
3 -	حسب المعسل،	26-11-2017 04:49 PM رأي شخصي التبليغ عن إساءة
4 -	بنات هاي الأيام كلهن بدخنن . و في منهن بالشوارع كمان . فالوضع عادي جدآ إنك تشوف بنت بتدخن .. بل حتى عادي و أقل من عادي	26-11-2017 07:04 PM حقها التبليغ عن إساءة
5 -	بلله عليك يا صاحب المشكلة تحلفلنا بألله إنك ما بتدخن ! لو إنك مدخن فهذا حقك تقول ما بدي زوجتي تدخن أما حضرتك تكون مدخن و تمنع زوجتك من التدخين معناها روح امشي تخيب عنا إنت و مشاكلك المقرفة	26-11-2017 07:08 PM إلى صاحب المشكلة التبليغ عن إساءة
6 -	بتعرفوا شو يلي أنا بسطحني ؟ بعض شباب مجتمعنا الهمل بتلاقيهم بدخنوا بالباص عينك عينك و بتكون الناس متضايقة و متضررة أكتر من المدخن نفسه ما عنده زوق يلي متل هاي الأشكال بنحكيله روح امرض واختنق لحالك لا تمرضنا بريحتك . ناس ما بتستحي لا والله .	26-11-2017 08:03 PM سهى التبليغ عن إساءة
7 -	تعليق 4 أحلا لايك كلام منطقي و جميل . ليش بس إنتوا يالشباب بطلعلكم تدخنوا أما البنات لأ؟!!!!! ما بصير هالشي مجتمعنا ماشي كلشي بالعوج بالذات المجتمعات القروية عندهم اضطهاد للبنت . الله يعين	26-11-2017 08:46 PM إلى تعليق 4 التبليغ عن إساءة
8 -	اخي محمدكو كيفك طمني عنك ليش تركت هناك امونة كيفك	26-11-2017 08:56 PM شطورة التبليغ عن إساءة
9 -	اخطبها ما دامك بتحبها و الدخان مش مقياس كثير في بنات بدخنن و محترمات . موفق إن شاء الله	26-11-2017 09:57 PM أبو سمير التبليغ عن إساءة
10 -	ليش حضرتك إنت بتتخلى عن حبك بهالسرعة و بتحكيلها تترك الدخان أو بتنسيني ؟ وانت عارف إنه الواحد صعب يترك التدخين . هو غلط من الأساس إنه الواحد يدخن بس صعب مدمن الدخان يتركه . و انت بكل بساطة من كثر حبك الشدييييد إلها بدك تمنعها منه . حقها تتركك	27-11-2017 06:40 AM الوضع طبيعي إنها تتركك التبليغ عن إساءة
11 -	السلام عليكم ،،،،،،،،،،،،،، أهلا بك آنسة { شطورة } . أنا وبفضل الله أنعم بنعمه الكثيرة وأشكره بفضله علي . ومن ثم كان تعليقي في الزاوية الأخرى تعليقا مؤقتا فقط ، وذلك لأسباب كثيرة ومن ضمنها ما ذكرته سابقا في بعض تعليقاتي ، فأشكرك جزيل الشكر عن سؤالك عني ، وهذا إذا ما دل فإنما يدل على أنك ذو أدب وخلق وسعة للقلب تحملينه ، وسائلا المولى بأن يحقق لك ما تتمنيه من خير في الدنيا والآخرة ، وأن يفرج همك . { آمــــــــــيــــــــــــن } . وأزيد بشيئ ( بأن المنتحل هناك يريد إشعال الفتنة بين المعلقين ) ، فعليه من الله ما يستحق . محمدكو . سلام .	27-11-2017 08:18 AM محمدكو التبليغ عن إساءة
12 -	السلام عليكم ،،،،،،،،،،،،،، إلى من يهمه الأمر :- { فــــي حـــــال ثـــــبـــــوت هــــذه الـــــقـــــــصـــــة } . هناك مثلا دارجا هذه الأيام وهو :- { اللي ببيعك بيعه } ، ومن ثم قالها بعض المعلقين بأن الحب يأتي بعد الزواج ، وهذا الحب الذي تتحدثون عنه إنما هو كذب من طرف واحد ، والدليل هو ما قلت عنه يا صاحب المشكلة أنها لن تترك التدخين حتى لو أنك تركتها ، وهذا بذاته دل على حبها للتدخين أكثر حبا منك . هذا من ناحية ، ومن ناحية أخرى وللأسف أنت أناني ولم تطرح لنا شيئا عن أخلاقها ولا عن دينها ، وإنما ذكرت جمالها ، وما فائدة الجمال بون أخلاق ، وهل يا ترى من تحمل الأخلاق تكون من المدخنات ؟؟؟ هل تعلمت التدخين من زميلاتها الخلوقات ؟؟!!؟؟!! . عدة أسئلة أود طرحها ، ولكني أكتفي بهذا القدر . أخي في الله اتأسف لهذا الكلام الجارح بعض الشيئ ، ولكن يجب عليك أخذ الحيطة والحذر من هذا الجيل الصاعد ، ولا تنسى بأن النصيب يخفيه لك الله ، فقط عليك بالتوكل عليه ، فمن توكل على الله فهو حسبه . محمدكو . سلام .	27-11-2017 08:35 AM محمدكو التبليغ عن إساءة
13 -	هاي المشكلة الفتها مها يعني مش حقيقية تأليف بتستخف بعقول القراء اسمعي يابنت الجامع والله قرفتينا بمشاكلك خدي قرفك معك وحلي عن خلقنا يعني انقلعي فهمتي ولا كمان افهمكي بدكي تكتبي روحي انطسي ولاقيلكي مكان غير هالزاوية	27-11-2017 08:55 AM يزن التبليغ عن إساءة
14 -	هاي المشكلة الفتها مها يعني مش حقيقية تأليف بتستخف بعقول القراء اسمعي يابنت الجامع والله قرفتينا بمشاكلك خدي قرفك معك وحلي عن خلقنا يعني انقلعي فهمتي ولا كمان افهمكي بدكي تكتبي روحي انطسي ولاقيلكي مكان غير هالزاوية	27-11-2017 08:56 AM يزن التبليغ عن إساءة
15 -	اولا اذا انت ما بدك من البداية مرتك ادخن فهوة حقك بس يا اخي المشكلة مش تركت حبك عشان الدخان انت شفت حالك كيف تصرفت بامر يعني اذا انت بتامر من هلأ شو بعدين يعني كل شي بيجي وبصير بالهداوة انت من المفروض انك كنت حكيت معاها بهدوء واسلوب واقنعتها مش يا انا يا الدخان اصلا كيف بتحط حالك بمقارنة مع الدخان مثلا على كل حال ما بنصحك تكمل معاها لأنه كتير صعب يكون ما في حل من البداية وراح يتفاقم بالتوفيق	27-11-2017 09:15 AM دلع التبليغ عن إساءة
16 -	من طريقة عرض المشكلة واضح انك تريد اتمام الزواج بغض النظر عن رأينا ق أكمل طريقك فرأيي لن تلتفت اليه	27-11-2017 12:26 PM محمد التبليغ عن إساءة
17 -	الله يسعدك ويوفقك أخي محمدكو وين ماتروح حكيك كلو وقار وركازة وهادا الشي بدل على طيبة قلبك ... تعرف شغلة ما بثير الفتن هناك الا مها .. عم تتهمني انو انا المنتحلة وانا طلبت شغل منها ومابعرف شو والله ياخوي ماانتحلت اسم هناك ولا طلبت شغل بدها مني امسح جوخ وامدح فيها وفي كتاباتها .. مابحب اكون منافقة انا حكيتلها بس خلي مجال لغيرك يحط مشاكله وبس عملتلي قصة ..وبجها تحرض المعلقين علي بصير هالحكي ؟	27-11-2017 02:19 PM شطورة التبليغ عن إساءة
18 -	الله يسعدك ويوفقك أخي محمدكو وين ماتروح حكيك كلو وقار وركازة وهادا الشي بدل على طيبة قلبك ... تعرف شغلة ما بثير الفتن هناك الا مها .. عم تتهمني انو انا المنتحلة وانا طلبت شغل منها ومابعرف شو والله ياخوي ماانتحلت اسم هناك ولا طلبت شغل بدها مني امسح جوخ وامدح فيها وفي كتاباتها .. مابحب اكون منافقة انا حكيتلها بس خلي مجال لغيرك يحط مشاكله وبس عملتلي قصة ..وبدها تحرض المعلقين علي بصير هالحكي ؟	27-11-2017 02:19 PM شطورة التبليغ عن إساءة
19 -	عنجد يا شيخ بتدخن	27-11-2017 03:14 PM Murad التبليغ عن إساءة
20 -	أخي محمدكو خلص انتهى النقاش بيني وين مها واعتزرت منها وهي كمان اعتزرت والله يوفقها وين ماراحت	27-11-2017 08:59 PM شطورة التبليغ عن إساءة
21 -	أخي محمدكو خلص انتهى النقاش بيني وين مها واعتزرت منها وهي كمان اعتزرت والله يوفقها وين ماراحت	27-11-2017 09:00 PM شطورة التبليغ عن إساءة
22 -	بلله يا حبيبي تسكت أحسنلك و استحي عحالك لا تحكي عن يلي بتدخن إنها مش خلوقة هذا الشي بوقعك بالحرام كونك بتحكي هيك عن بنات الناس وانا متأكدة إنك بتدخن . بس أنا أحسن منك ما بقول عنك مش خلوق بس سنحك و سنح القرى يلي ضابيتكم	27-11-2017 09:43 PM إلى محمدكو التبليغ عن إساءة
23 -	يا هلا ومليون ورده .انا تمام الحمد لله من الله بخير انتي كيفك طمنيني عنك وين ما بتعلقي وما بشوفلك تعليقات	27-11-2017 10:05 PM امونه الى شطوره التبليغ عن إساءة
24 -	الى كل فتاة مدخنة بس سؤال بالله ماهو الفرق بينك وبين الرجل؟ اين انوثتك؟ هل عندما تتحدثين مع احد ورائحة التدخين تعم الشارع مابتستحي بالله ؟ بس سؤال وجواب بكل صراحة	27-11-2017 10:39 PM سندريلا التبليغ عن إساءة
25 -	حبيبتي بحكيلك بكل بساطة : أنا بدخن و بغير أواعيي أول بأول و ما بسمح لريحة الدخان تغيرلي ريحتي الشخصية الزاكية .. و الحمد لله أنوثتي كاملة مكملة وأنا بهتم بنفسي و جمالي و دلالي .. إتطمني	28-11-2017 05:41 AM إلى سندريلا التبليغ عن إساءة
26 -	السلام عليكم ،،،،،،،،،،،،،،،،،،، أنا المخاطب من قبل برسالة نصية وبالمشكلة التي تحمل العنوان ( حبيبتي تدخن ) وبالتحديد رقم التعليق { 22 } إلى محمدكو ، فمن محمدكو إلى ذلك التعليق الكريم :- أولا أنا آسف في حال اقترافي لذنب قلته بلا قصد . ثانيا أنت أفضل مني بكثير ، فاحمد / ي الله على ما أنت عليه . ثالثا أنا وجهت بعض الأسئلة فقط ، ولم أتكلم عن بنات الناس { راجيا التركيز بما أكتب } . رابعا أنا إنسان غير مدخن ( فخوفي من الله هو المانع ) وتأكيدك / ي على نفسي بأني مدخن ، فهذا أمر سأقاضيك / ي به أمام الله عز وجل ، لأن هذه معصية وأنت / ي أكدت / ي عليها ، { فستكتب شهادتهم ويسألون } . الآنسة { شطورة } :- لا أدري ماذا أقول ، فألتمس العذر منك ، غير أني أذكرك بأن التسامح والمحبة والتصالح والألفة من ديننا الحنيف . محمدكو . سلام .	28-11-2017 08:32 AM محمدكو التبليغ عن إساءة
27 -	جربي اسألي البنت ليش بتدخني رح تحكيلك السيجاره بتنسيني همومي يلي سببتلي اياها الدنيا.شعب مش عارف شو يعمل حتى ينسى همومه ع اساس الدنيا هي يلي بتعمل الهموم للانسان	28-11-2017 09:13 AM امونه الى سندريلا التبليغ عن إساءة
28 -	بس تكبر بتعرف شو جواب مشكلتك ذل حد يحكي مع وحده ويتجوزها ومين علمها الدخان وكم كافيه فايته وكم علاقة دخلت فيها الجواب مراهق وبدري ع جيزتك	28-11-2017 10:18 AM واحد التبليغ عن إساءة
29 -	اهلين امونة .. غيابي مشاغل الحياة وبعلق بالموقع التاني بس للاسف كتير فية فتن وانتحال هناك وتعالي علقي هناك معنا .	28-11-2017 01:53 PM شطورة التبليغ عن إساءة
30 -	أخي محمدكو هاي ناس بدها بس تسب وهاد كلو غيرة وحقد ويمكن التعليق الموجة لالك مش بنت يمكن من شب مجتمع كل مافية بيرجع لورى	28-11-2017 01:55 PM شطورة التبليغ عن إساءة
31 -	بعين الله .والله يا دوب اعلق ع هاد الموقع لاني بشتغل وبروح تعبانه والبيت كمان بده شغل وبطلع اطش ايام مع صاحباتي وما بفضى افتح ع الموقع واقرأ التعليقات.	28-11-2017 05:35 PM امونه الى شطوره التبليغ عن إساءة
32 -	الى تعليق رقم ٢٤ اللي كتبت انها أنوثتها موجودة وبتغيير تيابها وما الها ريحة سجاير شي غريب اول مرة بعرف انهم التياب بتغيروو وو لا لو تدوشي ببرفاين المدخنة لا تزول الرائحة ابدآ لا تحاولي تناقشي حالك بالغلط هادا ارف موضوع التدخين لا افرق بين الرجل والمرأة بهادا الشي مهما كانت الاسباب؟؟؟ والله يا اخت امونة الهم من الشخص نفسه مافي هم اصلآ طول مافي ب	28-11-2017 08:02 PM سندريلا التبليغ عن إساءة
33 -	الى تعليق رقم ٢٤ اللي كتبت انها أنوثتها موجودة وبتغيير تيابها وما الها ريحة سجاير شي غريب اول مرة بعرف انهم التياب بتغيروو وو لا لو تدوشي ببرفاين المدخنة لا تزول الرائحة ابدآ لا تحاولي تناقشي حالك بالغلط هادا ارف موضوع التدخين لا افرق بين الرجل والمرأة بهادا الشي مهما كانت الاسباب؟؟؟ والله يا اخت امونة الهم من الشخص نفسه مافي هم اصلآ طول مافي ب	28-11-2017 08:02 PM سندريلا التبليغ عن إساءة
34 -	الى الاخت امونة ليه هو في شي اسمه هم بما اننا لانتحمل طعم الحياة بمرها وحلولها للأسف هاي السيجارة مابتعمل شي لنخلي سيجارة تسيطر علينا شي بضحك كلها شئفة ورئة وفلوسنا بندعس عليهم للأسف لا نعرف قيمة الحياة والتأمل بالخالق	28-11-2017 08:06 PM سندريلا التبليغ عن إساءة
35 -	افقد بعض المعلقين برشلوني ساهر الليل عنود هنوف في كمان بس معلش مو متزكرة الاسماء وينكم طمنونا عنكم تحياتي للجميع	28-11-2017 10:00 PM سندريلا التبليغ عن إساءة
36 -	عفوآ بمرها وحلوها	28-11-2017 10:01 PM سندريلا التبليغ عن إساءة
37 -	والله يا اخت سندريلا لا السيجاره ولا غيرها بتحل اي مشكله عند اي انسان بس الانسان بحاول يضحك ع نفسه او يبرر للناس سبب التدخين سواء شب او بنت.	28-11-2017 10:15 PM امونه الى سندريلا التبليغ عن إساءة
38 -	إذا البنت دخنت شو ضل من الانوثه بالله. وحرام اصلا..وشو حكم تدخين المرأه المتشبه للرجال....وبالعرف الرجال بدخنو وهذا غلط وحرام...والمرأه بتحمل مسؤوليه اكثر من الرجل...إذا دخنت شو خلت بجسمها من الداخل والخارج ...والمرأه بتحمل وبترضع معقوووول تضل بدخن... الرجال ما بطلعو الناس على جمالهم..ولا بحمل ولا برضع....بطلعوا عليكي وعل أسنانك ونظافتها ...هذا لا يعني الرجل يكون قذر.....وسلامي للجميع	28-11-2017 10:56 PM هذا الصح التبليغ عن إساءة
39 -	شو يعني تدخن... ليش الرجل بدخن واذا في حرمة للتدخين فبتكون على الرجل والمرأة اما التعصب والعقد هو رجل يدخن وهي مراة لا ماحد بقبله	29-11-2017 06:02 AM السوسنة السوداء التبليغ عن إساءة
40 -	التدخين ما إله علاقة بالأنوثة أو الرجولة أخي .. بس القصة و ما فيها إنه احنا تعودنا على إنه الزلمة هو يلي بدخن فلذلك صرنا نربط التدخين بقلة الأنوثة ! هذا هو السبب بس يعني لو فرضنا إنه نسبة المدخنات أكتر لاعتبرنا انه التدخين هو الأنوثة بذاتها . بس إجمالآ التدخين غلط و هدر فلوس للشباب و البنات	29-11-2017 06:59 AM إلى تعليق 37 التبليغ عن إساءة
41 -	والله لو تتنظف الاسنان بكلور لا تزول الرائحة سواء رجل او إمرأة	29-11-2017 07:51 AM سندريلا التبليغ عن إساءة
42 -	حاكيني	29-11-2017 08:11 AM ع الى امونه التبليغ عن إساءة
43 -	صار عندي فضول أعرف عن صاحب المشكلة هل هو بدخن أو لأ.	30-11-2017 12:12 AM فاطمة التبليغ عن إساءة
44 -	اه بدخن	02-12-2017 08:06 AM الى فاطمه التبليغ عن إساءة