حماتي انسانة ظالمة

29-11-2017 11:40 AM

تعديل حجم الخط:

سرايا - حابة احكيلكم قصتي وبدي تساعدوني انا بنت جامعية صيدلانية اتزوجت بشب غير متعلم واخدتو لانو ابن ناس واصيل وحبني وحسسني بالامان بعد ما فقدت ابوي بحادث سير وانا صغيرة، بس اللي بعيشو هلا اكبر حزن امو طلعت انسانة ظالمة ما بتخاف الله بتدعي علي وانا حامل و بتفسد عالطالعة والنازلة بابنها و خواتو متكبرات جدا لدرجة ما بتقدري تحكي مع الوحدة بعمري ما رفعت صوتي ع امو برغم المسبات اللي بسمعهم عني وعن اهلي وخواتو وتلميحاتهم وحكيهم الطالع والنازل خلفت بنت وولد الولد متوسط الجمال اجي عادي كلهم يضلو يحكو هو مش حلو يابا مش جاي عليك وخواتو ابنك مش حلو عليك الولد ع امو ولما جبت البنت اجت حلوة واهلو نفس ابوها وعلينا بتجننن وغير الحكي اللي بسم البدن حكيت لجوزي انا صرت اتدايق قام جرحني بالحكي بحكيلي قلة ثقة بحالك ، وانا احكيلو هم بضلهم يعيدو ويزيدو وانا تعبت لانو امو عطول مشاكل ودعاوي ووالله ما بتهتم بابني ولا بتحبني وما بتحب تشوف ابنها مبسوط معي مع اني بنت جميلة وفيا كل الصفات اللي بتمناها كل رجل احكولي شو اعمل الله يخليكم والله تعبانة من جوزي واهلو

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

وسوم: #سرايا #اريد #حلا

طباعة

المشاهدات: 34477


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	29-11-2017 11:40 AM سرايا
2 -	كل شي بتسمعيه عادي لا تفكري قصتك منفرده كتير بنات الاصول بتتعرض لهيك مواقف اهم اشي ديري بالك على بيتك واولادك وتاكدي زوجك عارف الصح ولكنه لا يستطيع الاعتراف بسوء كلمات اهله نصيحه { وعباد الرحمن الذين يمشون على الأرض هونا وإذا خاطبهم الجاهلون قالوا سلاما } كوني منهم ولتتجنبي النفس الأمارة بالسوء الحل فَاصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ وكوني قويه والمرأه القادره على تحمل الام الولاده لا يهزها كلام الجهله	29-11-2017 12:47 PM الاسم1 التبليغ عن إساءة
3 -	اختى الثقة بالله هل سمعتي عن سحر التطنيش والله استخدمته في جميع مجالات حياتي ونفع كتير يعني طنشي وما تنقلي لزوجك وخليها تحكي لتشبع اونتي اقتنعي بحالك واهم شي مش الحلاة اهم شي هي انهم ما فيهم امراض الله يحميهم والي ما بيفهم هاي النعمة اكيد ما عندوا اتصال مع الله توكلي على الله وكليه جميع امورك واتبعي الي حكيتلك اياه وراح تشوفي باذن الله نتيجة جيدة بالتوفيق	29-11-2017 02:41 PM دلع التبليغ عن إساءة
4 -	الله ينتقم منها ومن بناتها ويوخذهم بالقريب العاجل ما الك غير الدعاء ...والصبر ...شو بدك تعملي ...ولا تختلطي فيهم كثير	29-11-2017 03:26 PM محتاره التبليغ عن إساءة
5 -	رضينا بالبين والبين مارضي فينا وانتي ليش توخدي واحد اقل من مستواك التعليمي	29-11-2017 05:51 PM محمود التبليغ عن إساءة
6 -	مهو الحق عليك ليش ترضي تعيشي مع أهل الزوج ؟ ما حدا برضى عبنته هاي الأيام تعيش بدون بيت . بعدين ما دام إنك دارسة خذي واحد دارس ليش أخذك دارسة يعني ليش ما بحث عن بنت مش دارسة ؟	29-11-2017 07:54 PM نهى التبليغ عن إساءة
7 -	والله الكل بالحال سوا بس التطنيش افضل جواب الهم قلة الرد رد احتسبي امرك لربك وهاي خلقة ربنا حتى الاطفال مابسلموا من الغيبة والنميمة الله اكبر اهم شي الصحة التامة الحمد لله احكي	29-11-2017 09:12 PM سندريلا التبليغ عن إساءة
8 -	صلي من اجلها حتى الله يغيرهاوسامحيها واغفري لها على افعالها وحبيها وسوق يتحول كله لبركات لك والله يكون معك ويحل مشكلتك	29-11-2017 10:38 PM كركيه التبليغ عن إساءة
9 -	انت مفروض مثقفة و متعلمة و عارفة انهم هم اقل منك فليش بتعطيهم مجال انهم يهزوا ثقتك بنفسك و ثقة اولادك فيكي و بانفسهم انسب شي حاولي تبعدي عنهم و تتحاشيهم و ما تعطيهم الي بدهم اياه و انسب شي طنشيهم و ما تردي لان الرد على هيك ناس مش بمصلحتك و حطي جوزي بصفك و ازبلي بالباقي .... و ما بتكبر الا الفاضي و ما عنده سالفة	01-12-2017 06:32 AM م.احمد التبليغ عن إساءة