أتمنى الزواج من شخص مناسب

03-12-2017 12:03 PM

تعديل حجم الخط:

سرايا - انا بنت عمري 26 متعلمة ومخلصة ماجستير وبشتغل وفش اشي ناقصني كنت خاطبة وما صار نصيب ونفسي ارتبط ونفسي يصير عندي بيت واولاد صغار واعيش حياة الامومة وكل بنت بتحلم بهاد اشي ادعولي ارتبط بالشخص الصح ويكون ابن حلال عن قريب بحكو دعوة الغريب مستجابة ربنا يسرها علي وبدون تعليقات شو بدك بالزواج لانو بنت بتتمنى يكون عندها الزوج الصالح والذرية الصالحة ادعولي كل ما راح يصير نصيب بحياتي الي او خواتي ما بصير مع انه نحن متعلمات وعلى قدر من الالتزام والجمال والاحترام

تابع قناتنا على يوتيوب

تابع صفحتنا على فيسبوك

تابع منصة ترند سرايا

وسوم: #سرايا #اريد #حلا

طباعة

المشاهدات: 37934


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	03-12-2017 12:03 PM سرايا
2 -	انا اختي بدور على عروس وعمري 30 ومتعلم والحمد لله ملتزم بس مسكرة بوجهي في مجال نتواصل ازا حابة	03-12-2017 01:20 PM محمد صلاح التبليغ عن إساءة
3 -	المشكله بمواصفات عريس الغفله. انت شو هو بس يكون ابن حلال و لا الفلوس و انه يكون ديوث و انه يساهم في حرية المراة و انه طرطور. حددي مواصفاته لحتى ندعيلك	03-12-2017 02:04 PM رد منطقي التبليغ عن إساءة
4 -	من بعد اذن الآدمن او مسؤول النشر .. انا بدور على بنت حلال شرواكي و كنت خاطب برضو و ما استمر الموضوع و عمري 34 سنة و الي فترة بدور على بنت حلال بس مش متيسرة الامور مع العلم اني مقتدر الحمدلله ووظيفتي ممتازة و متعلم و شكلي منيح . يا ريت اقدر اتواصل معك . بتمنى من مسؤول التحرير ينشر التعليق او اقدر اتواصل معك	03-12-2017 02:17 PM مالك بطاينة التبليغ عن إساءة
5 -	لأنه - بنت بتتمنى - المفروض لأنه البنت ............أين ال التعريف يا مها .؟؟؟؟؟؟؟؟؟!!!!!!	03-12-2017 04:59 PM غزل التبليغ عن إساءة
6 -	إن شاء الله إنه ربنا يرزقك الزوج الصالح عن قريب يا رب . بس بدك الصراحة الدراسة مش مهمة للبنت على قد مهي مهمة للشب يعني هاي أنا ماجستير و كنت بالأول أبحث عن متعلمة لكن بطلع فيها عيوب و النصيب جمعني مع بنت توجيهي راسب و الحمد لله مبسطيتني كثير واحنا أسعد زوجين، فلا تربطي شهادتك بقدوم العريس متل ما معظم البنات بعملن ؛ لإنه مش مقياس صلاح الزوجة بشهادتها . بس بصراحة المعظم ببحث عن الجمال للبنت . ادعي ربنا يرزقك بالزوج الصالح	03-12-2017 06:26 PM أبو ريماس التبليغ عن إساءة
7 -	فاظفر بذات الدين تربت يداك أسأل الله العظيم رب العرش العظيم أن يبعتلك ابن الحلال الملتزم الذي يخاف الله ويكون عون وسند الك أن شاء الله واعملي استخارة كمان وصدقيني مافي تأخير لشيء من الله عزوجل إلا يكون خير والله يسر امورك	03-12-2017 10:32 PM Ibrahim التبليغ عن إساءة
8 -	أسأل الله أن يجمعك بابنة الحلال وأن يكتب لك السّعادة ............. يا أخي هذه حكاية من نسج الخيال ..............	04-12-2017 05:03 AM الى مالك بطاينة التبليغ عن إساءة
9 -	من الطبيعي ان يكون الرجل اكثر من زوجته علما او غنى او حسب ونسب ولكن العكس وهو ان تكون زوجته اكثر منه علما او مالا اونسبا لا يحقق السعادة ولا تستمر الحياة بينهما .............. اسعدك الله ابا ريماس .....................	04-12-2017 05:08 AM الى ابي ريماس التبليغ عن إساءة
10 -	ممكن نتواصل اعتقد بأني مناسب	04-12-2017 11:29 AM سامر التبليغ عن إساءة