سرايا - انا حبيت بنت بالجامعه ، وصدقا كنت اخر سنه الي وهي كانت لسا سنه أولى ، تخرجت واشتغلت وبعدنا بنحب بعض ، طبعا كان كثير يصير بينا مشاكل غيره ، إنه شباب القسم عندها عالانستجرام ولايكات ومن هالقصص ، لحد يوم انا طلعت اشتغل بالخليج ، البنت صارت تتحجج ما بدها تترك اهلها وصاحباتها ، ليوم صار بيننا مشكله على موضوع الغيره وحكتلي انت مذايقني وانت وانت ما خلتلي ... وصرت ابعثلها ما ترد علي وتركتني وعملتلي بلوكات على كلشي انستغرام وواتس وفيس. خلال هاي الفتره ضلت تقاهر فيي تنزل صور الها مع شباب قسمها ودكاترة الجامعه ومزح بالتعليقات عندها عالانستجرام ، فأنا كملت حياتي وضليت احكي حسبي الله ونعم الوكيل.
راحت الايام وبعد سنتين بوصلني مسج منها إنه تتطمن علي وتسلم علي ، طبعا انا شفت المسج وراجعت حالي ورجعت العلاقه ولا خليتها تعتذر ولا حسستها بغلطها وحفظت كرامتها انها رجعتلي ، لكن رجعت تتنمرد وتحكيلي مديري بالشغل بده يعملي ومديري بالشغل بتقرب مني ، طبعا انا ما قدرت امسك حالي ، بلشت فيها مسبات قسما بالله يمكن اولاد الشوارع ما بسبوها ولا خليت شي الا سبيتها فيه.
بدي استشيركم وللامانه هل أنا هيك ظلمتها