أخاف من فكرة الأرتباط

02-01-2018 11:49 AM

تعديل حجم الخط:

سرايا - أنا بنت عمري 24 سنه
كتير حابه استقر وافتح بيت ويكون عندي اولاد
بس لما ييجي وقت الجد وأنه لازم اخد قرار الزواج بخااف كتير ..
عشت تجارب مع صاحباتي بتخوف
نادر ما الاقي حدا متزوج ومرتاح سواء كان شب او بنت
دائما في معاناه وتعب
حتى لو لقيت شب منيح وحسيت حالي رح أكون مرتاحه معه بخاف اظلمه معي
أنا بنت مش متعوده حدا يتأمر عليها ولا يعصب عليها
عايشه عند بيت أهلي مدلله كتير الحمد لله
دائما أنا صاحبة القرار بكل اشي بتعلق بحياتي وأهلي ما عمرهم حكولي لا على اشي
مش متعوده اساير حدا كتير ولا اترجى حدا ولا اخد رأي حدا في كل صغيره وكبيره
قرار الزواج قرار مصيري
في اشخاص بقدرو يتخذوه وفي اشخاص لا ..

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

وسوم: #سرايا #اريد #حلا

طباعة

المشاهدات: 29813


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	02-01-2018 11:49 AM سرايا
2 -	صاحبة المشكلة .. هي مش يتأمر وغيرها بس بصير حياة مشتركة قرار مشترك مع شخص تاني طبعا ازا بفهم وبحترمك وبحترم رأيك لانه اغلب الرجال بحب يفرض رأيه الاغلب وليس الكل	02-01-2018 11:58 AM سمر التبليغ عن إساءة
3 -	ما تتزوجي احسن شكلك كاسرة بدك شكم او بدك واحد خروف تركبي عليه	02-01-2018 01:40 PM معاصر للواقع التبليغ عن إساءة
4 -	عموووه اكسبي اجر في ولاد العالم و خليكي عند اهلك	02-01-2018 01:52 PM معكرونة التبليغ عن إساءة
5 -	صحيح ان الزواج نصف الدين لكن نصيحتي لك لو كنت انا مثلك افضل العيش مع اهلي المحترمين ولا ذل الرجل لاتتزوجي ابدا في هذا الزمن الكاذب ا	02-01-2018 11:02 PM الوحده خير من جليس السوء التبليغ عن إساءة
6 -	صادقة هو الزواج مش كلشي بس إنت لازم تعرفي إنها طاعة الزوج واجبة . وإنت بالنهاية حرة ما حدا جابرك عالزواج .	03-01-2018 01:29 AM بائعة الورد التبليغ عن إساءة
7 -	ألله ينتقم من كل واحد خاين . بالذات التيس يلي إسمه سائر حسين.. أنا قبل شويي قرأت قصتك ألله لا يوفقك و ينتقم منك يا خاين زوجتك يا لوح ... كيف بتخون زوجتك و بتحكي مع وحدة متزوجة كمان ؟!!!!!!! ولك أنا لو مكان زوجتك والله العظيم قبل طلب الطلاق إلا أجاكرك بالخيانة ؛ لإنها حرام تعيش مع واحد خاين و نذل و ماخذ الحياة بالشقلوب .. ولك حل عنا و عن الموقع كله احنا ما بدنا أشكالك يحلولنا مشاكلنا .. روح حل مشاكلك بالأول بعدين تعال احشر حالك بالتعليقات . اخص عهالشكل	03-01-2018 02:03 AM ههههههههههههههههههههههه التبليغ عن إساءة
8 -	ولك بتقول عن حبيبتك المتزوجة كنت بفضلها على زوجتي واولادي ؟ و بتسعى لسعادتها على حساب زوجتك واولادك يا خاين ؟ !!!!!!! و المشكلة إنها متزوجة يعني إنت عينك عينك بتجاهر بالمعصية و ما عرفت إنها خاينة إلا لما إنها حكت مع مليون غيرك !!!! يعني ما كان عندك العقل تفكر من البداية إنها خاينة لزوجها ؟!!!!	03-01-2018 02:09 AM ألله ينتقم من سائر حسين التبليغ عن إساءة
9 -	الله يعين الي بدو يزوجك بس هاد اذا لقيتي جد وين عايشه انتي	03-01-2018 08:44 AM متعب التبليغ عن إساءة
10 -	السلام عليكم ،،،،،،،،،،،، أرجو من المعلقين الكرام بإرشادي إلى قصة المعلق سائر حسين ، حيث أني بحثت عليها ولم أعثر على شيئ ، ومن الممكن أن تكون أمامي ولم أراها ف { الكبر عبر } . ودمتم عونا للمساعدة . محمدكو . سلام .	03-01-2018 12:30 PM محمدكو التبليغ عن إساءة
11 -	قال شو كمان ؟!!! ألله ينتقم من كل وحدة خاينة !!! هههههههه والله إني ضحكت من قلبي عهالمسخرة يعني أنا لما أقرأ تعليقات سائر حسين بحكي بحالي معناها شاف زوجته نايمة مع واحد و هو مش مقصر معها بشي هههههههه طلع هالخاين بحكي عن حبيبته و هو متزوج و فوق هيك بفضلها عزوجته و اولاده ... عنجد الله يثبت علينا العقل و الدين .	03-01-2018 12:48 PM إلى تعليق 6+7 التبليغ عن إساءة
12 -	بهذه العقليه خليكي عند أهلك	03-01-2018 07:53 PM ابو طارق التبليغ عن إساءة