سرايا -

وصلت سرايا رسالة من احد القراء يريد حلا وتاليا نص الرسالة كما هي :

 انا مرحبا للجميع.. و موقع سرايا أشد الاحترام و التقدير عندي مشكلة تعبت منها لأبعد الحدود.. اتعرفت على شاب لمدة 4 اشهر للأن و منها و تأكد ت انه نية الشاب شريفة معي مضى الحال شهرين من ازوع ما يكون.. فجأة الشاب اتغير معي و انا لهده اللحظة اللي عم اكتب فيها مش عارفة ليش؟ سألته مراااااااااااااااات و مرااااااااااااااااااااات بيقولي ما في شي بس احنا كنا اول نتعرف على بعض و خلص انا هلأ عرفتك فما في داعي نضل نحكي و كذا... بس الشاب اتغير لدرجة انه بطل يحكي نهائياً.... و اذا برن بيفصل و ما بيرجعلي ابداً حاولت اسأله عن السبب.. و بيقولي ما في شي و هو عصبي جدا.. بيصيح في وجهي و بيسكر الموبايل.. حاولت اطنشه بيرجع بيقولي ليش مطنشة؟؟؟ و بعدين .؟؟؟؟؟؟؟؟ انا تعبت..... زهقت..... مليت..... مع العلم انه الشاب شاريني... بس شو صار؟؟ الاهمال فاق اي حدود المشكلة انه في كل مرة بحاول ابعد عنه بيرجعلي هو و استخرت كتير كتير كتير و خليت ناس ذو دين يستخيروا و في كل مرة كانت الرؤيا تبشر بالخير. و كنا نفسر الخلم عند شيوخ و يبشرونا بالخير و انه في مستقبل و زواج.. انا احترت في امري و بطلت عارفة كيف افكر... انا ما بحب اصاحب و ما بدي اضل مصاحبة في الوقت اللي عم يجوني عرسان كل واحد احسن من التاني و عم ارفضهم عشانه... بدي حل ارجوكم مشان الله... ساعدوني... و الله الموضوع زاد عن حده و ما حدا بيقبله لحاله ارجوكم..الله لا يدوقكم اللي عم دوقه قد ما هي صعبة.... و شكرا لسرايا و للجميع