سرايا - "السلام عليكم ، انا بس بدي اسأل أنو عادي خطيبك يكون عندو رفيقة بنت و تكون صديقتو المفضلة ؟! بمعنى انو كلشي بيحكيلها و بتحكيلو و بيفهمو عبعض من الكلمة الوحدة و حركة صغيرة ، و كل ما حاول اسأل بدون ما جرح بيقلي انو هنن رفقة و جيران من الطفولة و مو معقول غار منها و حتى اهلو معتبرينها وحدة منن بتفوت و بتطلع بتعرف كل زواية من البيت و بتعرف كلشي عنن و عنو هو بالذات يعني جد رح جن انو طالما بيفهمو بعض و بيتفقو لهل درجة ليش ما خطبها الها ؟!
الغيرة و الاستغراب من هيك علاقة رح تجنني و هو بيضل بيقلي هي متل اختي و معزتها بقلبي كبيرة كتير لانها رفقية الطفولة بس اي طفولة و هو لهلا معها و اذا جايبين غراض و طالعين لعند اهلو بيجيب نوع شوكولا بيقول خاص لالها و طول الوقت عالفيس بيعملو تاغات لبعض و حتى شفت محادثتن عالواتس عم بيستشيرها كيف يتصرف معي ؟
حرام البنت محترمة و ما شفت شي غلط منن لكن خايفة انو في يوم من الايام يصير شي او هو يحس انو اختار غلط ؟