ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

تنازل بسقف متطلباتك لمواصفات العروس، بس ما تتنازل بموضوع الاخلاق والدين. وربنا يوفقك

يا سيدي العزيز امك لا تتخلى عنها تحت اي ظرف لو بتظل عزابي طول عمرك , ولا تخاف بتلاقي بنت حلال اكيد , بس نتا دور على بنت بتخاف الله وبنت اصل بتقبل ..
اذا كان المقياس ديني ومخافة الله بتلاقي .

في كثير بنات بوافقوا ع انهم يعيشوا بعيشه مثل وضعك لا تتسرع وان شاء الله رح تلاقي نصيبك ورح تتزوج وحده بنت حلال وتوافق تعيش مع امك إن شاء الله

جد بدي مساعدة منكم جميعا.. انا بحب بنت من احد اقاربي وكنت كثير انا وياها بنحكي مع بعض وبنمزح ومن هل حكي .. بس لما صار شي رسمي واهلي راحو وحكو بالموضوع وكان ردهم بانو خلي البنت تخلص دراسة مش عارف شو صار بالزبط معي صابني شعور مخيب للامال رغم انو استمريت اتواصل معها بعد الي صار لحد ما بطلنا نحكي مع بعض بحجة الدراسة من اكثر من 4 اشهر .... ساعدوني ايش اعمل

يعني انا يلي فهمته من كلامك انه لما صار الحكي عن جد بموضوع الارتباط بلشت انته تتهرب بحجة الدراسه يلي حكوها اهل البنت ..

اخي حدد موقفك من هالموضوع واذا كنت عن جد بتحب البنت وبدك اياها اصبر حتى تكمل دراسه واذا ما بدك اياها خلص انسى الموضوع ولا تفكر مجرد تفكير فيها .

بالعكس انا ما تهربت على موضوع الدراسة بس هي بطلت تحكي معي تدريجياً .. حاولت اني ابعتلها رسائل بس ما كانت ترد .. ما بعرف اذا انو سبب غيابها من على شان الدراسة او شي ثاني

انته حاليا اتركها لفتره وبعدها حاول تعرف اذا اهلها تحججوا بالدراسه حجه بس لانهم ما بدهم اياك ولا عشان اشي ثاني.

يعني احتمال يكونوا اهلها ما بدهم يعطوك البنت ونبهوا عليها ما تحكي معك

مش عارف الصراحة .. بس اذا الي حكيتي في منو ليش امها الي هي خالتي بتضل تتواصل معي شبه يوميا بس ما بتجيب سيرة بنتها ابداً.. وبعدين لو حكيك صح ليش ليتحججو بالدراسة خلص يحكو ما في نصيب وبس بدل المرمطة

انا ما بدي اظلم حدا ولا بدي اخليك تشك بشي بس أنته بما انه خالتك بتراسلك بشكل مستمر فاتحها بالموضوع بس وجها لوجه مش عن طريق التليفون . بس صدقني اذا رب العالمين كاتب نصيبك مع بنت خالتك ف رح تكون الك لو الجميع عارضوا

اشكرك جدا امونه .. يسعدك ربي ويوفقك

تسلم اخي .

ربنا يفرجها عليك ويوفقك ..وربنا يحققلك كل يلي بتتمناه..آمين رب العالمين

هو يا عمو بدك الصراحة ما في وحدة بتقبل فعلآ . يعني بتحكي أنا شو دخلني بأمه و شو دخلني بوحدة بتحشر حالها بمشاكلي مع زوجي ؟

و أمي كمان ختيارة و هي اولى بالرعاية من أي وحدة ثانية .

المراة مش مجبورة إلا بجوزها و اولادها بخدمتهم . أما بصراحة فيها وجهة نظر إنك إنت بدك تعيش أمك عندك طبعآ هذا حقك و حقها بس كمان إعرف إنهن كمان البنات حقهن يرفضن و سبحان الله كل الناس ورا مصلحتها .

ربنا يرزقك بنت الحلال .

هو يا عمو بدك الصراحة ما في وحدة بتقبل فعلآ . يعني بتحكي أنا شو دخلني بأمه و شو دخلني بوحدة بتحشر حالها بمشاكلي مع زوجي ؟

و أمي كمان ختيارة و هي اولى بالرعاية من أي وحدة ثانية .

المراة مش مجبورة إلا بجوزها و اولادها بخدمتهم . أما بصراحة فيها وجهة نظر إنك إنت بدك تعيش أمك عندك طبعآ هذا حقك و حقها بس كمان إعرف إنهن كمان البنات حقهن يرفضن و سبحان الله كل الناس ورا مصلحتها .

ربنا يرزقك بنت الحلال .

هههههه إلياس مش جاي ياخذ النصيحة إلا من أمونة هههههه

مهي كل تعليقاتها بتدل على رجعيتهت ا . أنا من زمان بتابع كل التعليقات بس ما بشارك بس هسا حبيت أنصحك يا الياس إنك تبعد عنها لإنها البنت بتتحجج بدراستها بس في شي تاني سبب تهربها منك ممكن يوم ما صار الشي جد إنها انحطت بالأمر الواقع و الأشياء المخفية بلشت تطلع متل سعر المهر متلآ أو شروط أهله و كلامهم فهي يا إما إنها استخارت أو إنهم أهلها شافوا من أهلك تصرف و كششوها منك و نصحوها بالبعد عنك و إنه بيجيها أحسن .

الشغلة واضحة .

فعلآ أنا ملاحظ هالشي عكل البنات ما بترضى بواحد عنده أم أو حدا من أهله أو إبن كلهن بحكن انا مش ملزمة بالعناية بحدا .

لهيك بلا مؤاخذة انا حاسس إنك عندك أنانية يلي بتخليك تحيد عن وحدة مطلقة و عندها اولاد ؛ لإنك لو كنت منصف كان رحت بحثت عن مطلقة و عندها اولاد و خليت اولادها يعيشوا تحت جناحك و رعايتك و إنك تنفق عليهم من مالك ، هيك بصير في تعادل بيناتكم .

بس نصيحتي تتزوج من مطلقة معها اولاد عادي جدآ هاي الأيام صار هالشي ، بل حتى والله بتشوف العزابي ممكن يتزوج مطلقة .

بس الظاهر إنك أناني بدك تاخذ و ما بدك تعطي .

ههههههههههه عن جد ضحكت من قلبي ومش طالب منك تقيمي او تقيم ارائي.

سلااام

أنا من ناحيتي لو كنت مكانهن هالبنات ممكن اوافق لو عرفت إنها حماتي صغيرة بالعمر لسببين ، اول شي منشان ما تكون على الدقة القديمة ، يعني رح تكون شغل تدخلات متل ما كانوا زمان و رح تخليني أعيش متل ما هي بزماناتها كانت عايشة مع بيت حماها كانت حماتها تحشر حالها بكلشي هيك كان واقعهم في ظلم للكنة ، و السبب التاني إنها كمان رح تعيشني متل عيشتها زمان إني رح أكون خدامة لاسلافي كمان ههههههه

انداري عنهن كيف برضن يلي هيك .

بعدين لما إنها تكون المرأة عاجزة ، الكنة ما إلها دخل بهالشي و أم الكنة اولى من الحماية ، و الزلمة هو يلي لازم يخدم أمه او يحطها بمأوى العجزة والله المستعان .

مهي لإنها رح تهكل هم إنها هي يلي تقوم فيها بالإجبار مش مجرد كرم منها و السلام ، لا بصير إجبار و عدا عن هيك بعض الحموات بتدخلن بحياة اولادهن خصوصآ إنهن عالدقة القديمة و بدهن الكنة تعيش مثل عيشتهن هن بأيام ما كانن كناين .







إنت المجبور الاول و الأخير بأمك .