سرايا - وصلت سرايا رسالة من احد القراء يريد حلا وتاليا نص الرسالة كما هي:

سرايا - مطلقة اريد حلا لأني مطلقة مش لازم أعيش ، مش لازم أمارس حياتي كبقية النساء ، مش لازم اشتغل واصرف على حالي ، يعني المطلقة مش امرأة طبيعية ومن حقها أن تعيش كالأخريات . اسمع هذه العبارة تتردد دائما (مش مسموحلك لأنك مطلقة ). السبب أمي الله يهديها هي منعتني من إكمال دراستي عشان أتجوز وطلعتني من المدرسة والحمدلله كانت جيزة فاشلة ، شو يعني احبس حالي في البيت وما اطلع وادفن حالي مع إني صغيرة ، كيف بدي أعيش بعيدة عن المجتمع .شو ذنبي اذا أهلي ظلموني وجنوا عليّ. حسبي الله ونعم الوكيل على كل شخص ينظر إلى المرأة المطلقة بمعنى سيئ او بنظرة غير شريفة ، ما ذنبي إذا تزوجت من شخص لا يعرف قيمتي وطلقني لأتفه الأسباب ، مع انه خلاصي منه كان نقطة في بداية حياتي الحالية.