سرايا - إلهام شاهين، أكدت أثناء حلولها ضيفة مع الإعلامية بسمة وهبة في برنامج "شيخ الحارة" " إنها تزوجت من المنتج عادل حسني، وكانت أصغر منه بـ 25 سنة، موضحة أنها طمعت فيه من ناحية عقليته وقوة شخصيته واتزانه، وكذلك حمايته، مضيفة: أنا طمعت في رجولته وحمايته.

وأضافت شاهين: أنا كنت في فترة كده بضيع وعندي خلافات في المسرح، لاقيته هو اللي واقف جمبي، اتجوز ازاي اللي قدي ويبقى ضعيف زيي.

وتابعت: بابا تخلى عني وقت المشاكل اللي حصلتلي، بقوله يا بابا حصل كذا وعاوز أعمل محضر عشان فيه مشاكل حصلت على المسرح قالي امشي اطلعي بره واقفلي الباب وراكي"، موضحة أنها رأت في عادل حسني الأب قبل الزوج.

أسرار انفصالها عن المنتج عادل حسني
أشارت إلهام إلي أن العلاقة بينها وبين طليقها عادل حسني قائمة حتى الآن كصداقة رائعة وأضافت أنها حال تعرضها لأي أزمة أو مشكلة تلجأ له، كما أنه عزمها في منزله بحضور زوجته في شم النسيم الماضي، وقالت: أنا كنت زمان بحب الرجالة الكبار، يبقى على الأقل الفارق العمري بينه وبين اللي بحبه 20 سنة.
وعن سبب انفصالهما قالت: السبب الحقيقي أنه اشتغل منتج، ومش بحب ارتبط بحد له علاقة بالوسط الفني، أنا تزوجته راجل سياحة وكان له دور سياسي، وأول ما عمل إنتاج لفيلم عمل لسهير رمزي فيلمين.


الهجوم على رانيا يوسف "أوفر قوي"
أكدت شاهين، إنها وقفت مع الفنانة رانيا يوسف، في أزمتها الأخيرة الخاصة بـ" بطانة الفستان " لأن المعركة كانت مفتعلة ولا تستحق كل هذه الضجة، وأضافت: أنا هاجمت ناس وخسرت ناس عشان خاطر رانيا يوسف، الحرب اللي اتعملت عليها أوفر أوي.

وأضافت: حتى لو الواحد اختار فستان مش مناسب ميستاهلش الحرب الفظيعة دي، أنا مش بحب السوشيال ميديا، بحتقر السوشيال ميديا، دول ناس تافهين وفاضيين، كلهم مستخبيين ورا أجهزة وخلاص.

وأوضحت أنها لا تقبل أن يقوم ناس "تافهين" بانتقاد البعض "عمال على بطال"، على حد قولها، مضيفة: فيه حاجة اسمها قرصة ودن، مش سفالة وبذاءات.



سماح أنور " تعرضت لسوء معاملة "
وتعقيبا على تصريحات للفنانة سماح أنور، أعربت فيها عن ندمها على مشاركتها في فيلم "يوم للستات"، وعن سعادتها للغاية من حذف مشاهدها من الفيلم، الذي كان من إنتاج إلهام ، قالت شاهين: سماح أنور دي صحبتي جدا، وعشرة عمر بالنسبة لي، وتعرضت لسوء معاملة خلال الفيلم، في أخر مشهد تصوير، وظُلمت.



وأضافت: تم تصوير الفيلم على مدار سنتين ونصف، وفي تلك الأوقات دخلت الفنانة سماح أنور في عمل فني جديد مما أثر على شخصيتها في فيلم يوم للستات، فتم حذف كل دورها.