سرايا - وصلت سرايا رسالة من احد القراء يريد حلا وتاليا نص الرسالة:

سرايا  -  يا جماعة بدي مساعدتكم....*ــــــــــــــــــــــــــــــــــ^ انا فتاة عمري 23 سنة......خطبت شب قبل شهرين تقريباً....وكانت كثير منيح معي وشايلني عن الأرض شيل....بس أطلب وأتمنى.....المهم خلال هاي الفترة حسيتو متغير من ناحيتي بس كيف وليش ومتى مابعرف.....اوكي هو كان يجيبلي كل شي بطبلو منو وما كان يتأخر علي بإشي بس مش عارفة إحساسي حكالي إنو في إشي أو علاقة بينو وبين وحدة ثانية......بس أنا حكيت اني مارح أظلمو وما رح أخلي شكي يدمر حياتي ولازم أتأكد بنفسي.....أنا بنت واصلة ووساطاتي كثير كبيرة بس هذا لا يعني إنو أنا متكبرة أو إنو أحسن من غيري..لأ...إحنا كلنا مثل بعض ومافي حدا أحسن الثاني إلا بالتقوى.....طبعاً عملت مكالماتي على معارفي ومعارف الوالد الله يحفظه وخليتهم يراقبولي اتصالاته الهاتفية.....والصدمة كانت انو طلع عنجد شكي بمحله وطلع بحكي مع بنت ثانية بس مش هون المشكلة المشكلة أو المفاجأة الكبيرة إنها هاي البنت طلعت صاحبيتي عالعظم وانا وهي صحبة من 6 سنوات بس ليش هيك عملت مش عارفة....وطبعاً انا حكيت معو وحكيتلو انك ما بتلزمني وانك خاين ومليون واحد بتمناني ومن هالحكي لاني عنجد كنت مقهوووورة كثير....وآخر شي قررنا الإنفصال وتركنا بعض....وطبعاً هو ترك هذيك البنت وهسه بدو يرجعلي وكل يوم بضل ماشي ورايي وانا رايحة عالشغل واا مروحة نو وبضل يرن عليي ويتأسف ويبعتلي مسجات...وإجى لأهلي واعتذر منهم وأهلي حكولي انتي حرة احنا ما بنغصبك ع إشي عشان بكرا ماتحكي انو احنا السبب واحنا اللي دمرنا حياتك...هذا قرارك وانا والله محتااااااااااااااااااااااارة كثير ومش عارفة شو القرار اللي بدي إتخذو...لو سمحتو ساعدوني بحلول منطقية مشااااااااااااااان الله وأنا شاكرة الكم جهودكم....:)))))