سرايا - وصلت سرايا رسالة من احد القراء يريد حلا وتاليا نص الرسالة:

سرايا - غلطة عمري اريد حلا اكتب مشكلتي من أميركا ، خلصت توجيهي وكنت مكيفة على حالي ودخلت جامعة وتخرجت وكنت مغرورة كتير بحالي ، اكتر المعجبين كانوا من الطلاب ومن الشباب خارج الجامعة ، كنت احكي مع هادا وهداك واطلع مع الشباب يعني اهلي اعطوني الحرية تماما . ، وتقدم لي شباب كتير بس كنت ارفضهم لاني كنت حاسة بحالي اني مرغوبة كتير والكل حاب يتقرب مني . تقدم لي شاب معه جنسية أميركية والكل بحكيلي شوفي شو معه مصاري رح يعيشك عيشة هنية ، نيالك رح تروحي على أميركا حتى صاحباتي حسدني عليه وعلى الوضع اللي هو فيه . والجميع نصحوني لا تضيعي الفرصة من ايديكي . المهم سافرت على أميركا وتم الزواج هناك برفقة والدي ومن ستة اشهر ولغاية الآن أعيش في هموم لا يعلم بها الا الله ، ما شفت يوم حلو في حياتي ، شفت شوفات بستحي احكيها ، زوجي كل يوم مع وحدة وطلبت منه الطلاق رفض ورحت على السفارة الأردنية في أميركا وطلبت منهم المساعدة للهرب من هناك رفضوا بحجة ان الزوج لا يعلم . هل ربي بعاقب فيي لاني لعبت على عقول الشباب ؟؟ كيف بدي اهرب من هناك للأردن؟؟ احكولي