سرايا - وصلت سرايا رسالة من احد القراء يريد حلا وتاليا نص الرسالة : 

سرايا - ما الحل اول شي بتمنى انكم تقبلوني صديقة جديدة وبدي اخذ رايكم كاصدقاء بمنتهى الصراحة انا عمري 25 سنة بحب شاب اكبر مني ب 6 سنوات طبعا انا ما بشتغل قاعدة بالبيت وهو بشتغل باحدى الدوائر الرسمية طبعا راتبه ما بيتجاوز 300 دينار ماخد قروض ع راتبه بصفي بالنهاية الراتب تقريبا 150 دينار كمان سنة بيخلص القروض هاي صارلي بعرفه 4 سنوات بحبه كتير وما بتخيل حياتي من دونه وهو كمان انا متاكدة انه نفس الشي انا بعرف كل شي عنه يعني هو صريح معاي لابعد الحدود بخصوص هاد الموضوع حكينا بموضوع الارتباط ودايما بنحكي هو ما بتهرب بالمرة بس المشكلة انه كل القصة هلا موقفة على بيع عقار يعني ازا هالعقار انباع فرجت علينا عالاخر وازا ما انباع مصيبة كبيرة هلا انا مابعرف اضل معاه واستناه ولا اتركه بس والله حرام انا بحبه وهو بحبني ازا تركته رح اظلمه لانه ما اله ذنب ارجوكم ساعدوني بكل جدية والله انا محتارة كتير وخابفة من اللي جاي شكرا كتير الكم......