سرايا -  وصلت سرايا رسالة من احد القراء يريد حلا وتاليا نص الرسالة كما وصلت : 

انا شاب ابلغ من العمر 21عام وحاب انكم تشاركوني مشكلتي بارائكم وتعليقاتكم البناءة ومشكلتي كالاتي: انا شاب سنة تالتة جامعة حياتي كأي شاب في نفس عمري الروتين قاتلها من البيت للجامعة والعكس في صحاب بس هالايام انا بفضل انه الواحد مايختلط بحدا لانه ما بعرف الناس شو صايرلها والدنيا مش بخير من بداية الفصل الجامعي الاول الي في الجامعة وفي بنت محاضراتي وبرنامجي انا وياها نفس الاشي لانها نفس التخصص.

 ومع بداية الفصل الي احنا فيه تفاجئت انها منزلة معاي برضو تلات مواد وبلشت النضرات بيني وبينها بس انا مقرر من اول يوم بلشت في جامعة ومن قبل هيك انو ماحكي مع بنت الا بالحلال لا نو الواحد مع شوية حرام من هالايام زي غيبة ونميمة واغاني وحركات الشباب يلا مسلك وعايش كيف مع بنات.

 المهم انا مستحيل اغير في مبدئي هذا ولو عشانها وهي في الايام هاي الي بداوم فيها لساتها بتطلع و انا مش عارف شو الحل والمشكلة لو اني اروح هسا للوالد واحكيله بدي اخطب تعوا تفرجوا عالعرس الي رح يصير في دارنا وبحارتنا وانا بالجامعة اكتر من مرة كان بامكاني احكي مع بنات لانو زي مابيحكوها الشباب السنارة كانت غامزة ومابدها غير انا اروح واحكي وهاي صارت علاقة بس هاي البنت غير وانا بدي ياها بس بالحلال والوضع مو مساعد مو قصدي المادي

 بس الاجتماعي او كله الاوضاع كلها فش الحل وانا بهمني راي ناس تخرجت ومرت بنفس الظروف وتكون زلم بعيدا عن اولاد الجامعة وولدنتهم ومسخرتهم واول تعليق راح يكون افتح محل وشكرا الكم.