سرايا - ظهرت المطربة الكبيرة نجاة الصغيرة، لأول مرة عبر برنامج توك شو لتكشف أسراراً جديدة عن حياتها وتجيب عن أسئلة جمهورها.

• إقرأ أيضاً : بالفيديو .. نجاة الصغيرة تنفى شائعات وفاتها

وقالت نجاة: ” أحب أن أطمئن جمهوري لأنه عزيز وغالي، وبصراحة أنا بعرف أغني مش بعرف أتكلم”.

كما أضافت: “أمضي أوقاتي بالاستماع إلى الموسيقى. لأن الموسيقى هي الحياة بتاعتي، وبسمع الموسيقى اللي اتعلمتها من الكبار أوي أوي السيدة أم كلثوم، وعبدالوهاب. وكنت محظوظة وفي نعمة لأني تخرجت من جامعتهما لأنهما مثل الجامعة التي تحصل منها على دكتوراه مش مجرد مدرسة. وكنت محظوظة جدًا إني تواجدت في الوقت اللي كانوا موجودين فيه وبحمد ربنا إني كنت موجوده في الوقت ده وتربيت على أعمالهما”.

فيما بررت الفنانة سبب غيابها عن الساحة الغنائية قائلة:”مبعملش حاجة عشان أنا المجموعة بتاعتي مش موجودة دلوقتي، ولكن بحاول. وفي صعوبات العازفين يعني أو مفيش الملحن اللي ينفع للحاجة اللي بتمناها. لأن ليا طريقة في اختيار الأغاني مش موجود تنفيذها دلوقت، وبحاول إذا قدرني ربنا هقدم حاجة قريب”.

ورداً على الشائعات التي تطردها في الأونة الأخيرة، أكدت أنها تعيش حياتها بشكل طبيعي وصحة جيدة، وتتابع كل جديد في الحياة وعالم الفن. وتريد قضاء بقية عمرها في هدوء، ولا تريد أي شيء من أي شخص.