وصلت سرايا رسالة من احد القراء يريد حلا وتاليا نص الرسالة كما وصلت :

سرايا - المظلومة التي تكره الحياة بسبب الزوج انا امرأة متزوجة منذ 5 سنوات وزوجي لا يحترمني ولا يقدر كل اشي بعمله علشانه وعلشان اولاده ومع ذلك انا بدي اتحمل علشان اولادي لانو عندي ولدين وبنت وانا كنت بحبوا كثير يعني حب بعد الزواج انا ماكان الي علاقات قبل الزواج يعني هو اول انسان حبيته لانو حلالي وكثير بصون غيبته وبحافظ على بيته واولاده وانا متحملة علشان اولادي انا بحكيلوا انذليت علشان ولادك هو بحكيلي انا مابحبك ومابدي اياكي وبسب علي اني اموت ودايما بسمعني حكي وبجرحني وجرحي مش ممكن حدا يداويه بس انا بطلب من ربنا انو يعوضني بولادي لاني فنيت عمري من اجل ولادي ، انا مش ملاك ولكن انا ما بخرب بيتي لانو نصيبي هو وبدي اتحمله بس انا بطلب من الله عزوجل انه يريحني من هذه الحياة انا بتمنى الموت ولا اني اطلق ، لسه الموت اهون واسهل من كلمة طلاق علشان ولادي رايحين يتقبلوا الموت لانو من ربنا اما الطلاق بسبب ابوهم ، اولادي صار عندهم عقدة نفسية وعدوانين وعنيفين من كثر مابشوفوا امهم بتنضرب وبتنهان وابوهم قديش بصيح انا بامكاني اطلق واعيش احلى عيشة عند اهلي لانو انا بشتغل وراتبي معي يعني مش محتاجة حدا بس رحمة ربنا واكثر من مرة كان يحكيلي روحي عند اهلك انا ما بحبك انا بكرهك انا بتجوز وحدة احسن منك بخليها تبوس كندرتي كنت احكيلوا ما رح تلاقي وحدة زي صابرة عليك ومتحمليتك بكل عيوبك بس برجع بحكي الله يعينوا لانو انسان ليئم مريض نفسي ما بصلي ما بخاف الله ظلمني كثير وشايف حالو انه صح والناس غلط ما بحب غير راحتوا غير متحمل المسؤولية صحابو خربو بيته لانو بشكي لصحابو وبروح عند صحابو كثير وبظل للساعة الواحدة صباحاً بس اسالو بحكيلي ما الك دخل بروح وباجي امتى ما بدي انا بدي منكو انا ممكن علي غلط لانه قلبي جداً ابيض ومتا بحقد انا كان حلمي اعيش انا وزوجي بيت هادئ بعيد عن المشكل وبعيد عن الخيانه وزوجي نسيت احكيلكو انه بحكي مع بنات واكثر من مرة اسمعتوا وكان يكذبني وكنت احكيلوا خاف الله كان يكذبني بس ربنا شاهد وعارف .