من التي جمعت تبرعات مالية "كبيرة" بإسم الراحلة "بلقيس بني هاني" وقت مرضها دون موافقة عائلتها؟!

20-02-2021 01:04 PM

تعديل حجم الخط:

سرايا - نشرت صفحة الراحلة بلقيس بني هاني منشوراً تحدثت فيه عن فتاة جمعت تبرعات مالية "كبيرة" بإسم بلقيس بني هاني عندما كانت تقيم في مركز الحسين للسرطان لتلققي العلاج، وذلك دون موافقة عائلتها على ذلك التبرع.

وجاء في المنشور الذي تفاعل عليه المئات من الاردنيين ان عائلة بلقيس بني هاني رفضت مبدأ جمع التبرعات النقدية لعلاج بلقيس وقد أبلغت الجميع بذلك، إلا أن احداهن كانت عاشت بين عائلتها لفترة من الزمن قامت بجمع التبرعات دون موافقة العائلة.

وتالياً نص المنشور:

"اصدقائي سمعنا من جديد انه في حد كاين مجمع تبرعات عاسم بلقيس الله يرحمها بالفتره يلي كانت فيها بالمشفى وبعد ما توفت واحنا كنا رافضين فكرة التبرعات من الاول بس للأسف يلي عمل هاد الشي عاش بينا فتره منيحه وصار بينا خبز وملح بس جد ما كنت متوقعه انه يكون في بشر ".." نفس وانا عارفه انه هي رح تشوف البوست ورح تعرف انه هي المقصوده مش حابه اغلط فيها احتراما الكم بس شو بتهيألها مش فاهمه بس بحب احكيلها شغله وحده انه انتي كتير حد ".." وعفكره انتي جد بحاجة المصاري عشان تنضفي حالك ولو كان عندك اخلاق ما كان بتتصرفي هيك وبتشوهي سمعة العيله عاساس انه احنا بحاجه وكله لمصلحتك ان شاء الله بتتلقيها بحالك يا مريضه

وبحب احكيلكم واحكي لكل حد اتبرع الها عاسم بلقيس انه هي كدابه واحنا رفضنا هاد الشي من البدايه وانه نصبت عليكم متل ما نصبت عناس كتير غيركم والمبلغ يلي جمعته كبير كتير

الله يرحمك يا بلقيس كنتي واثقه فيها وبتحبيها "..." حسبي الله ونعم الوكيل فيها

كلمه منكم الها

اصدقائي الهدف من البوست عشان تكون الناس منتبهه لقدام وما تأمن لحد والصفحه رح تضل صدقه جاريه عن روح بلقيس الله يرحمها بس كان لازم نوعي الناس عهيك مواضيع."

*يذكر أن بلقيس بني مكثت في مركز الحسين للسرطان عدة أشهر اثر معاناتها من سرطان عظام و أنسجة الوجه والفكين، إلى أن توفاها الله عصر يوم السبت الموافق 14/3/2020، حيث كانت وفاتها قصة أبكت الأردنيين و آلمتهم.