سرايا - سرايا - i love my self ا بعتذر على انو كتبت مشكلتي هون لكن يللي صار انو انا صارلي كم يوم حاول انو اكتبها وما بيزبط معي شئ ....على كل مو مهم انا فتاه طول عمري لحالي وما بحياتي فكرت لا بشباب ولا بغيروا لاني بحياتي ما اهتميت وما وثقت فيهم وبعتبرهم اشخاص بدون قلب وما بحسوا ابدا ...وطول عمري بهتم بدراستي كونها اهم شئ بحياتي وبعيش حياتي مرتاحه واقرب ناس لالي صحباتي ولما دخلت الجامعه ايام السنه الاولى كان في شاب حاب كتير يتقرب مني وانو نكون مع بعض وهو من عمري ومن تخصصي والشاب كما كان ضاهرلي مؤدب وبصلي وملتزم وما عندوا حركات وكمان بيهتم بدراستوا متلي المهم حبينا بعض وكملنا وضلينا مع بعض الا ان اكتشفت واتاكدت انو عم يحكي مع اقرب صديقه واخت على قلبي وانو بدو اياها تحبوا بدون ما تحكيلي وانو بطل يحبني وانو بحبها هيا اكتر وانو هيا فاهميتوا دائما ومن حكي الشباب ....المهم انا صحبيتي بعرفها كتير منيح وكل شئ تقريبا نكون في سوا ونعملوا وانا كنت شاكه انو في مشاعر بقلبوا لالها لاني كنت بثق في وبخليهم يحكوا سوا مع انو بعرف انو هاد خطأ لكن ثقتي في كانت عمياء ....طبعا انا بعد ما اكتشفت الموضوع هاد وانا سامعيتوا باذني شو حكالها ...رحت واجهتوا وانكر كل الحكي لانو لو عنجد رجل كان حكى اه انا بحبها لكن انكر وانو هو بيعبرها متل اختوا وانو حتى لو طريقه حكيوا معها هيك فهو بيعتبرها اختو.....المهم انا بهدلتوا ومسحت بكرامتو الارض وتركتوا ومن بعدها عشت مأساه انو هاي اول مره بفكر فيها احكي مع شاب وبصير من اولها هيك معي وانو غدر فيا ......ومن بعدها ما حكيت مع شاب لا بجامعه ولا باي مكان.. وبعد فتره 7 شهور تعرفت على شاب عن طريق الفيس بوك مع اني طول عمري ما بقتنع بالقصص هاي لكن قلبي حب هاد الانسان وكملت معو وهلأ احنا سوا لكن مشكلتي تكمن انو انا مو قادره اامن ومو قادره احب بكل ما فيا وعم اعملوا مشاكل ع الطالعه والعنازله وهو متحملني وكمان عم اعمل مقارنات ما بين قبل وما بين هلأ يعني اللي كنت بحبوا زمان ما كان عندوا شغل لاكن يللي بحبوا هلأ بيشتغل ودائما مشغول عني وانا ما بدي هيك ؟؟؟؟؟ما بعرف شو اعمل وخايفه كتير اتمنى الجميع يساعدوني بأراء بنائه وتفكير ناضج وشكرا للجميع