سرايا - رغم أن خبيرة التجميل اسما شريف منير لا زالت في شهور العدة بعد طلاقها من الفنان محمود حجازي، إلا أنها عانت مؤخرا من شائعة عودتها إلى عصمة زوجها الأول وأبو ابنتها لارا، بسبب الرسائل المتبادلة بينهما عبر مواقع التواصل الاجتماعي، وظهورهما المتكرر بأكثر من مناسبة، وهو ما دفعها لإصدار بيان مطول شرحت فيه حقيقة علاقتها به.

أسما أكدت في البيان المنشور عبر حسابها بموقع الفيس بوك أنها تلقت نصائح من المقربين بعدم التحدث عن حياتها الخاصة وتجاهل الشائعات، ولكنها رفضت النصيحة ووجدت من الضرورى الرد على أنباء عودتها إلى عصمة زوجها الأول، مؤكدة أن الأحداث الأخيرة التي مرت بحياتها قد تكون مفيدة لكل المنفصلين.


وقالت تعليقا على مجموعة من الصور تجمعها بابنتها الوحيدة لارا وزوجها السابق محمود: كتير اتقال لي متتكلميش، دي حياتك الشخصية، انتي بتتاجري بحياتك الشخصية ليه؟، خليكي في الميك اپ و حاجات البنات، امسحي الپوست ده، بلاش ملوش لزمة الكلام في الموضوع ده..و عشان كل ده ضد اعتقاداتي و اللي انا مؤمنه بيه كنت بحس اني محبوسه في قالب مش بتاعي.



أضافت: انا بحب اقول اللي حسه بيه واعبر عن نفسي واساعد غيري من خلال تجارب حياتي…انا المتابعين ليا النسبة الاكبر ستات ودي في حد ذاتها معادله صعبة عشان ست زيك تثق فيكي وفي ارائك ومتغيرش منك مش بتحصل كتير، وعلشان انا اول ما اتعرفت كان من خلال تجربة طلاقي الاولي، وصلت لقلوب ستات كتير وكسبت ثقتهم و ده كان الدافع الاساسي اني اقدم محتوي يفدهم.



وتابعت قائلة: كلمة مؤثر مش كلمة سهله ولازم تبقي على اساس ولازم ابقي قد اني ابقي شخصية عامة وافيد غيري. مش كل الناس قد انها تبقي جريئة وليها صوت، في ناس بتختار تصدر حاجات ممكن تبقي مش حقيقة بس عشان تتحب وتبان انها شخصية متحققه وسعيده ومسيطره، وتخاف تقول ارائها لحسن تخسر، انا بقي مش كده، انا عرفت اني ليا تأثير ايجابي علي ناس كتير، انا ليا اثر و رأي و بيتابعني ٢ مليون شخص، ده رقم لو شفتوا علي الحقيقة ممكن يغمي عليا.



وأضافت: لما اتكلم عن تجربة في حياتي وتساعد ناس تتقدم او تتخطي موقف صعب او تغير تفكيرها بيحسسني بسعادة ونجاح ميتوصفش، فا انا مش هبطل اتكلم واقول كل اللي جوايا رغم ان في ناس هتفضل فهماني غلط، بس اللي بيفهمني صح هما اللي هفضل اتكلم عشانهم واساعدهم واطور من نفسي عشان افيدهم، عفويتي هي سر نجاحي…



وتحدثت مباشرة عن موضوع ظهورها المتكرر برفقة طليقها قائلة: موضوع انهارده هو اني انا و ابو بنتي قررنا ننزل نخرج عشان لارا كان بقالها كتيييييير مشافتناش في مكان واحد مع بعض، مشافتناش في كادر واحد مع بعض، ولأ احنا مش هنرجع لبعض لأ مش بنفكر خالص في كده، لان احنا دلوقتي في وضع احسن بكتير، يعني لما كنا مع بعض قررنا اننا منكملش لكن دلوقتي هنفضل في حياة بعض لاخر يوم في عمرنا عشان لارا هتفضل ربطتنا لاخر العمر.



وواصلت قائلة: بنحترم بعض وعملنا معادلة من اصعب المعادلات في الدنيا وانا فخوره بينا جداً، بلاش محاكم، بلاش نقول كلام وحش لاولادنا عن بعض من كتر الغيظ، بلاش اب يقابل بنته في نادي بوقت، والله العظيم كله بيخسر واولهم ولادنا اللي ملهمش ذنب في اختلافنا، التحضر في الموقف ده بيحافظ علي نفسية طفل يا يطلع سوي يا يطلع معقد، زي ما الام بتخاف علي اكل و شرب و نوم و صحة ولادها والله نفسيتهم اهم من اكلهم و مصارفهم، حتي لو في بينكم بلاوي، بدل ما تحاربوا بعض، اختاروا السلام وخلي كتفكم في كتف بعض عشان الغلابة اللي ملهمش ذنب دول.. خدوا خطوة النهارده عشان قسماً بالله هترتاحوا بقية العمر.. شكراً ابو لارا

• إقرأ أيضاً : منى زكي تنصح ابنتها: لا أحد يملك جسدك وحريتك حتى زوجك
• إقرأ أيضاً : آخر تطورات الحالة الصحية للفنانة دلال عبد العزيز
• إقرأ أيضاً : نادين نسيب نجيم تحصل على الإقامة الذهبية بلإمارات
• إقرأ أيضاً : هاني رمزي يكشف سراً عن حجاج عبد العظيم بعد وفاة شقيقته

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا