سرايا - قال أعضاء فرقة "المدفعجية" إنهم بدؤوا موجة مشاركة نجوم التمثيل في أغاني المهرجانات، بتعاونهم مع الفنانة نيللي كريم في أغنية "مليونير"، وبعدها أغنية "دولا دولا". وفي مقابلة مع برنامج The Insider بالعربي، قال أعضاء الفريق: "دولا دولا اتظلمت كتير، كانت نازلة وسط حاجات كتير، وفي توقيت مش كويس. إحنا عملنا حاجة كويسة، وبالنسبة لنا إن إحنا عملنا حاجة مع نيللي جابت فيوز أو مجابتش شرف كبير لينا، وكانت فرصة كبيرة نعمل حاجة مع سوبر ستار زيها." البرنامج التقى فريق المدفعجية أثناء تصوير كليب جديد لهم يحمل اسم "ريّح حبة"، في منطقتهم الأصلية السلام، وكشف الفريق عن جزء من كلام الأغنية يقول: "اصحى وفوق حضروا الأشقيا..عاوز تسمع اسمع الندا..كلاشنكوف وشوشنا مرعبة..إنت بعيد الصدمة متعبة..ريح حبة الجو مريح..عارف السر وممكن أسيح.. عَ المزيكا كله حيتمرجح..هز الهزة ياللا واتلحلح." وعن اختيار منطقة السلام لتصوير الكليب قالوا: "دي أساسا منطقتنا، فإحنا عاوزين نخلي اللينك بينا وبين أهل منطقتنا يبقى موجود، ونعرف الناس السلام عاملة إزاي. حبينا نطلع السلام بالمناطق بتاعتنا بأصحابنا ونعمل أجواء جديدة." وعن مشروع إنتاج فيلم يحكي قصة الفريق، قال عضو المدفعجية ديزل: "الفيلم من إنتاج أستاذ جمال العدل، بيكتبه أستاذ مدحت العدل، وده شرف كبير لينا."

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا