سرايا - سرايا -  انا شاب عمري 26 سنه .......قبل فتره تعرفت على بنت عن طريق الانترنت و صدقوني القصه كلها صارت بالصدفه لانه انا من الناس الما بآمن بهذا النوع من العلاقات بس شغله و صارت ما بعرف كيف.

 القصه باختصار انا عندي حساب على الفيس بوك زي معظم هالناس و بالطبع حاطط كم من صوره الي يوم من الايام لقيت طلب اضافه من بنت و بعتالي رساله بتقلي شكلك كتير حلو طبعا قبلت طلب الاضافه تاعها و صرنا نحكي مع بعض طبعا عن طريق النت بس مجرد شات بعد اربع او خمس ايام صارت تقلي انا دايما بشبك و ما بلاقيك كيف بدي اعرف متى بتشبك و طلبت رقمي بحجة انه ترن علي لما تشبك بس هي دايما كانت تلمح بدها الرقم بس انا كنت استهبل و اطنش بس لما طلبته بشكل صريح احرجتني شوي المهم صرنا نحكي على التلفون بعدين طلبت انها تشوفني بالبدايه تحججت كم من مره بكم من كزبه بعدين ما ضل مجال فاعطيتها موعد و بالفعل رحت اشوفها بصراحه البنت طلعت بتجنن بعكس ما كنت متوقع بس المشكله مش هون المشكله انها بعد ما روحت رنيت عليها ما ردت و تاني يوم رنيت صارت تفصل بوجهي بعتلها مسج اعرف شو السبب ما بترد و صارت كل ما ارن اما تفصل او ما ترد او تسكر التلفون حتى انها شالتني عن الفيس بوك من عندها ما بعرف شو الخلاها تعمل هيك مع انه شكلي و الله مقبول مش شنع يعني و هي الشافت صورتي بالبدايه و اصرت انه نتعرف و هي الطلبت رقمي و طلبت انه نطلع و الله صابتني عقده معقول انه شكلي بالنسبه للبنات مش مقبول او انه تصرفاتي لما طلعت معها فيها اشي غلط او لبسي او طريقة كلامي جد مش عارف شو المشكله و الله صابتني عقده .