سرايا - لعمل كرشات وفوارغ ومقادم وهي اكلة من التراث الفلسطيني لذيذه ورائعه جدا

المقادير :

1 كرشة خروف
6 مقادم خروف (رجلين خروف)
كيلو فوارغ -مصران (خروف او عجل)
رز حبه قصيره حسب الطلب
علبة حمص حب
3 روس بصل متوسط
بهارات مشكله مطحونه
ملح حسب الطلب
زيت
ابره وخيط

طريقة التحضير :

اولا انقعي الرز نظفي الكرشه من الوسخ بسكين بلماء بعدين بتنقعيه نص ساعه بسفن اب بعدين بتغسلي كويس بالماء بعدين بتنقعي بالملح والخل وعصرة ليمون نص ساعه والفوارغ زي الكرشات مع مراعاة انوا المصران لازم تقلبي من بره ومن جوا وتكحتي بالسكين

بتشقي رجل الخروف من النص لحد المفصل وبتلسعي بالنار علشان الشعر لما ينحرق الشعر هيك بكون نظف بتجيبي ليفة جلي جديده ونتحطي الرجل تحت الماء وبتفركي الرجل من الحرق

بتفرمي البصل مربعات صغيره بتضيفي على الرز والزيت والحمص والبهارات والملح

بتقطعي الكرشة قطع حسب الرغبه كبيره او صغيره ونفس الشي الفوارغ

بتخبطي الكرشه وبتخلي فيها فتحه بتحشيها رز وبتكملي خياطه ونفس الشي الفوارغ

بتحطي الكرشات والمقادم ع النار وبتضيفي ماء وملح حسب الذوق بعد ما يغلي غلوتين بتضيفي الفوارغ لانهم بنضجوا اسرع