بالفيديو والصور .. منة عرفة تحسم الجدل حول طلاقها

28-12-2021 08:37 AM

تعديل حجم الخط:

سرايا - حلّت الفنانة الشابة منة عرفة ضيفةً على برنامج "مع الفارس" الذي يقدّمه الإعلامي العراقي نزار الفارس، على شاشة "الرشيد" العراقية.

وكشفت منة خلال اللقاء عن خطوطها الحمر التي لا تتجاوزها في الفن، وذلك بعد أزمتها الأخيرة مع الفنان محمد نجاتي، والتي دفعتها لإعلان انفصالها عن زوجها محمود المهدي، قائلةً: "أنا لا بتشال ولا بتحضن ولا بتباس، ولا بعمل الحاجات دي".

وأضافت: "هو كل اللي بيمثلوا بيتحضنوا وبيتباسوا، واللي مش عاجبه ممكن زميلة تانية تقبل تعمل كده، أنا بلبس مبلبسش إيه دي بتاعتي، ولكن في الأرشيف بتاعي بعد زمن طويل إنه يتشاف كويس، وشطارة المخرج أو الممثل أنه يوصل الرسالة دون ما يجرح مشاعر المشاهد".

وكشفت منة حقيقة طلاقها من زوجها محمود المهدي قائلةً: "إحنا متطلقناش ولكن كنا ماشيين في الإجراءات، ومحمود كان رايح للمأذون، ولكن في حد كان وصلة خير بينا، وقالنا متشمتوش الناس فيكم وحرام البيت يتخرب".

وعن ردود فعل بعض الشامتين، عقب إعلان انفصالها عن زوجها، أضافت منة: "محدّش بيفرح لحد غير صاحبك ومامتك وباباك وأخوك، أنا كنت متخيلة إن الناس بتفرح لبعض وطلعت غلطانة... في ناس فرحت أول ما سمعت خبر طلاقي، وكانوا عاملين رهان إننا هنطلق، وأول ما خبر الانفصال انتشر، قعدوا يقولوا شوفتوا مش قولتلكم مش هيكملوا سنة ويتطلقوا، ولذلك قررت مظهرش أنا ومحمود تاني في أي لقاءات، وشفنا كمية سواد وتنمّر كبيرة، أنا قررت عدم الظهور مع محمود مرة تانية في لقاءات حتى لا يقول الجمهور إننا نستغل حالة الجدل المثارة حولنا".

وعن تغير ملامحها في الفترة الأخيرة، قالت: "أنا لسه صغيرة ولما الناس بتشوفني في الشارع بتقولي ما أنتِ لسه صغيرة زي ما أنت، ولكن الميك آب بيغير شكلي واللبس لما بكون بعمل فوتوسيشن، وأنا مواليد 1999 يعني عندي 22 سنة".

وأضافت أنها شخصية عنيدة للغاية، موضحةً: "أنا وجوزي بنكمل بعض، أنا عصبية جداً وهو هادئ، وأنا عنيدة ومحمود عنيد ولكن مع الجواز قررت ألمّ نفسي وأبطّل عند".

وأشارت إلى أن لا علاقة لها بالمخرج عمرو عرفة أو شقيقه شريف، بالقول: "في ناس كتير بتقول إني بنت عمرو أو شريف عرفة والفنان أشرف عبد الباقي والفنان أحمد حلمي"، مؤكدة أنها تنتمي إلى عائلة من خارج الوسط الفني.

وأنهت منة عرفة حديثها بالقول: "أنا وجوزي اللي ظهرنا حياتنا الخاصة على العلن والسوشيال ميديا وده حسن نية مننا، ومحدش فينا عايز يتشهر في مجاله والحمدلله راضية عن نفسي، واللي حصل ده أذانا، وبالذات أنا كفنانة، لأن لازم الجمهور يفضل عنده فضول يعرف إيه عن فنانة، ولكن قررنا منعملش لقاءات تانية عشان اللقاءات الصحفية اللي عملناها قبل كده هي اللي أثارت الجدل".