سرايا - انا شاب في العشرينات ... مشكلتي لا هي مشكلة حب ولا وجع راس ... اللي فييه اكبر من هيك قصص ... يا ناس انا شاب اعزب والدي متوفى و بصرف على عيلتي اللي بتضم ستة افراد و الحمد لله الله مقدرني  على هل شغلة و بالعكس انا راضي تماما عنها ... بس في مشكلة عمالها بتواجهني اللي هية رئيسي في العمل ... من اول ما اشتغلت و عشاني شب ميسور الخاطر و على باب الله و هو كل ما مالو بتحاقر في تعاملو معي .. المشكلة في سني ما بصحلي اتوظف بشركة او عمل دائم بحكم انو ما معي شهادة و انو اصلا انا لسا مش حمل هيك ضغوط كوني بدرس و بشتغل ... حاولت ادور على شغل ثاني لو حدا فيكم بدو يقلي هل اشي بس الشغل والله صعب هل ايام خصوصا لو الواحد بدو لقمة الحلال الو و لعيلتو ... بعدين عافاكم الله انا مريض سكري و بحالتي هاي ما راح اقدر على الجيزة كونو ما معي تكاليفو لو بدي اشتغل الف سنة.. و اصلا زي ما بتعرفو الرجل المريض سكري صعب يخلف و اظن انو معظمكم بعرف هل حكي فأنا صبيت كل اهتمامي على الشغل لاساعد عيلتي كوني عرفت انو فرصتي اشوف نفسي في المستقبل ضعيفة ... كل هل حكي كان والله نوع من الفضفضة ... هسا مشكلتي بتتمحور حول رئيسي في العمل ... شو اسوي معاه .. انا جدا مرتاح في شغلي  و حابب جدا استمر فيه ...  شو الطريق او الاسلوب المناسب للتعامل مع شخص زي هيك مه العلم انو اهاني اكثر من مرة و زي ما بقولوا للصبر حدوود ... افيدوني جزيتم خيرا و ادعولي بوركتم ...  "و مع العلم صديقي هو اللي دلني على موقعكم و زاويتكم و ساعني اكتب هل مقالة"