سرايا - انا ما رح احكي كتير بس قصتي بتتلخص بأني انا وشب اكبر مني بسنة صحاب كتير وكل يوم بنحكي مع بعض مرتين تلاتة بس هو كان عنده مشكلة بحياته وهلا انتهت .

اوضاعه المادية مو كتير عم بدور على شغل هو بعزني كتير بس بقول ما بحبني وبضل يقولي ما تحبيني .

هلا اوضاعه عم تمشي لصالحه ومشكلته انتهت بس انا صرت اخاف لاني متعقة فيه او بحبه صارلنا سنتين .

هو بدقق كتير على اشياء بعملها وبنفس الوقت بقولي ما بحبني وانه ما اعلق حالي فيه بس انه ما رح يبعد عني الا لما اتجوز. وانه هو ما بفكر بالزواج وازا صار وحب ما رح يتركني لانه مستحيل يترك البنت الي وقفت جنبه هيك قلي .

بس انا صارلي فترة خايفة ومدايقة خايفة يحب ويصير بده يرتبط قبل ما اتزوج ممكن لانه ممكن يحب ساعتها رح ادايق كتير بفكر ابعد بس مش قادرة بفكر اتركه وارتاح وانه اتركها لربنا بس مو قادرة استخرت ووكلت امري لربنا وتركتها اكيد ربنا رح يجيب الي فيه خير الي بس انا نفسيتي عم تتعب كل ما بفكر انه ممكن يبعد او يحب وبنفس الوقت نفسي يكون الي واضل معه.

انصحوني بس ما بدي حكي وبس بدي تحطوا حالكم ماكني وتقولولي شو رح تتصرفوا .