رشا سامي العدل في فيديو جديد: بحاول أغير الواقع

24-02-2022 09:30 AM

تعديل حجم الخط:

سرايا - ظهرت رشا سامي العدل في فيديو جديد عبر حسابها الرسمي على موقع التواصل الاجتماعي فيسبوك تتحدث فيه عن أخر مشروعاتها وعن العقبات التي واجهتها في مشروعها الأخير، وأنه لا يوجد مبرر لمدعي البطالة وانك تستطيع تحقيق نجاحك في أي مشروع بأبسط الإمكانيات ويجب الاعتماد علي النفس.

وأثارت رشا الجدل بظهورها في فيديو سابق قالت فيه: “أنا بفكر في الموضوع ده بقالي فترة، جيت دهب في شهر 7 اللي فات وقررت أشتغل، والناس عارفة إني ممثلة، بس أنا مش بشتغل كتير، أنا مش بلقي اللوم على حد، أنا نقابية بقالي 20 سنة، والنقابة على عيني وعلى راسي، وكل اللي بيطلعلي من النقابة هو الكارنيه والتأمين الصحي”.

Rasha Samy El Adl was live.
Posted by ‎Rasha Samy El Adl was live. - Rasha Samy El Adl‎ on ...

أضافت: “كمان لا ألقي اللوم على أصدقائي المخرجين والمنتجين،، وروحت طلبت شغل وهما متحركوش عشان كل واحد حر، وكفاية أجي على نفسي عشان خاطر الناس وأولادي، أنا تمردت أولا على بيتي وعلى ماما وأولادي وقولت إن أي حاجة مش مريحاني مش هقبلها ولا هعملها، والقرار ده ريحني جدا”.
من شهر 7 اللي فات أنا بصلح من نفسي حاجات، ممكن يكون العيب فيّا ومش بقول إني ملاك، كلنا بناخد قرارات غلط، وأنا اخطأت كتير فى حياتي، وأول الأخطاء عشان اتجوزت مرتين غلط، مش هلوم راجل اتجوزته ومصرفش على بنته، وأنا عشان اتربيت كويس مش هطلع أقطع في حد”.

الناس بقت بتدوس عليّا عشان مش بتملق، أنا سعيت وفشلت، وأنا مش بركب تريند، اللي بعمله دلوقتي عشان أكسب لقمة حلال، وأنا مش بركب التريند عشان أنا كتبت عن المشروع ده من فترة طويلة، عايزة أقول إن سهل جدا أخد فلوس من أهلي، ومحدش هيتأخر عليا، بس أنا مش هستنى لحد ما أشحت أو أقول لله يا محسنين، وكل عيلتي جزمتهم على راسي”.