سرايا - كشف المخرج مجدي الهواري، خلال تصريحات صحافية تطورات الحالة الصحية لطليقته الفنانة غادة عادل، قائلاً: "حالة غادة عادل حالياً أفضل، اتكتب لها عمر جديد".

وتعرّضت غادة عادل أخيراً لأزمة صحية كشفت عنها من خلال تصريحات تلفزيونية، بالقول: "أنا رجعتلي روحي من تاني، أنا من أول إمبارح كنت في أوحش وقت ليا ومكنتش حاسة بالدنيا. كان عندي حرارة لا تنزل والأولاد كانت نفسيتهم صعبة علشان كده نزلوا الصورة على السوشيال ميديا علشان الناس تدعيلي وفعلاً ربنا استجاب".

وأضافت: "أول مرة مزعلش على حاجة نزلت على السوشيال ميديا، بس الحمد لله التحليل أكد أن العدوى خفّت وكنت بأخذ مضاد حيوي في عروقي. ومن وأنا في التصوير وكان عندي حرقان وانسداد في المثانة وكنت فاكرة من المجهود ولما راح قولت إني خفّيت وبعدين أول ما وصلت لندن مبقتش عارفة أمشي واكتشفت أنها عدوى بكتيرية طلعت على الكلى ووصلت للدم. الحمد لله لم تصل للتسمم وأنا جيت لندن بعد إجازة من تصوير المسلسل 5 أيام وهعمل تحليل تاني علشان أعرف نسبة العدوى وصلت لقد إيه".

وتشارك غادة عادل في دراما رمضان ببطولة مسلسل "أحلام سعيدة" الى جانب الفنانين: يسرا، مي كساب، نور محمود، شيماء سيف، انتصار، ونبيل نور الدين، وهو من تأليف هالة خليل وإخراج عمرو عرفة.